MARKUS 13:21 - Alkitab Singog In Mongondow Masa In Tanaa

²¹ Kon wakutu intua aka oyúon intau in moguman kon i monimu, ‘Indoiai, Ki Datu Mopoposaḷamat kon naa!’ ande ‘Indoiai, kon tua in Sia!’ – dikabí mopirisaya kon intau tatua.

MARKUS 13:21 Referans Kwoze

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

MATIUS 24:5

Sin mobayong in intau in mamangoi bo momaké in tangoi-Ku bo mosia in moguman, ‘Akuoi in ki Mesias!’ Bo mosia naa inta mokopopisí kon mobayong in intau dumudui kon soaḷ inta noitaḷá.

YOHANES 5:43

Akuoi namangoi takin kawasa i Amá-Ku, táe moiko in doí motarima kon i-Nakó. Táe aka intau ibanea in mamangoi kon i monimu takin kawasanea tontaní yo tarimaan monimu in sia.

MARKUS 13:20

Aka kuma bo diádon impoḷokan i Allah i wakutunea tatua, dá diábí in tobatúmai in mosaḷamat. Táe popisídon in umat-Nea, dá impoḷokan i Allah in wakutu-Nea.

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.