MARKUS 12:42 - Alkitab Singog In Mongondow Masa In Tanaa

⁴² Kon tua namangoi domandon in tobatú intau inta dongkadon boba-bobay inta nobiag nobogá. Sia nopobonu doman in doitnea tambaga doyowa, doit logam inta paling mointok in nilainea.

MARKUS 12:42 Referans Kwoze

MATIUS 5:26

Akuoi in moguman kon inimu: Iko in diápabí poḷuaion monia kon ponjara aka diápa kouboḻianmu in boḻimu kon inia.”

MARKUS 12:41

Kon singgai tobatú ki Yesus iḻimitú sinumayow in kas pobobonuan kon sosumba kon Baḷoi Tuhan, poḷat noindoimai mako kon intau mita mopobonu in doit monia kon kas tatua. Nobayong in intau nooyúon nopobonu in doit mobayong.

MARKUS 12:43

Dá ki Yesus in nogoiní kon murí-Nea mita bo noguman kon i monia, “Tarukira in naa: Inta inogoibí in intau boba-bobay bo bogá tatua in mobayo-bayong nongkon inta inogoi in intau mita ibanea.

LUKAS 12:59

Pirisayabí! Iko in diábí moiḷuai kon ponjara tatua aka inta sinuntutnea tua bo diápa kouboḻianmu.”

LUKAS 21:2

Sia in nokoontong doman kon intau boba-bobay inta nobiag totok in nobogá nopobonu in doit kon bonu in kas tatua.

DONDONG MOḶANTUD 8:1

Uḻe, aka kuma iko kiutatku toinaan, inta nokoimontandon noneté kon i ináku, yo notantúbí kon ayokanku aka moyodungkuḷku kon daḷan, diábí in moningkuḻe kon inakó.

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”

KORINTUS 2 8:2

Umpakabí mosia in kinoantugan in totungkuḷ inta totok in mobogat. Táe gina monia in tantúbí noḷunganga, sin umpaka kon bonu in roriga táe moibogpabí doman in mosia nobogoi in sumbangan pinotuḷung kon intau ibanea umpaka mosia totok doman in nobiag nobogá.

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.