MARKUS 12:15 - Alkitab Singog In Mongondow Masa In Tanaa

¹⁵ Táe kinotaauanbí i Yesus in kinomomunapik monia tua. Dá iḻibó-Nea, “Nongonu sin moiko in moibogbí motayak kon taḷá-Ku? Poontongka kon i-Nakó in tobatú doit saḷaka.”

MARKUS 12:15 Referans Kwoze

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

KORINTUS 1 10:9

Kita in diábí motaau in monungkuḷ kon i Tuhan ná inta inaidan in tongonumai intau kon sigad monia tungkuḷ intua, sahingga minatoi sinobak in uḷag inta mobisa in mosia.

OUMAN IN RASUL MITA 5:9

Dá ki Petrus in noḻibó bui nanaa “Nongonu sin kamunda motonibuḷoi in moibogbí monungkuḷ kon Roho i Tuhan? Indoiaika in intau mita inta bagu noiangoi minayá noḷobong kon i buḷoimu, sinimindogdon mako kon tayowon in ḷoḻingkop sin modia domandon kon inimu poḷuai sin bayáan ḷobongon.”

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

LUKAS 20:23

Táe kinotaauanbí i Yesus in makusud monia tua. Tuamai in Sia in noguman,

MARKUS 10:2

Kon tua, oyúon doman in tongonumai intau in Parisi. Mosia namangoi doman sin motayak kon taḷá i Yesus. Dá mosia in noḻibó, “Podudui in agama naton, motaau degá intau in mogaat kon i buḷoinea?”

MATIUS 22:18

Ki Yesus nonotaau kon raian monia inta diá mopia tatua, dá Sia in noḻibó, “Nongonu sin moiko in monungkuḷbí kon i-Nakó? Ei moiko intau mita inta diá motuḻid in gina?

YEHEZKIEL 17:2

“Ei intau ilo-ilow, oumandon kon intau mita in Israel in poumpamaan,

MATIUS 20:2

Naonda in nositantúandon kon tosinggai uboḻianan todinar, pinotabáneadon in mosia tua minayá nogaid kon gobánea.

MARKUS 12:14

Mosia in namangoi bo noḻibó kon i-Nia, “Pak Guru, kinotaauan nami ki Pak Guru in mojujur bo diá moondok kon singog i inekabí. Diábí in bunion i Pak Guru in motundú kon soaḷ inta kinoibog i Allah aidan in intau, sin ki Pak Guru in diábí mopoyoposi intau. Dá tuamai in pogumanka kon inami, ‘Aka podudui in atorang agama naton, motaau degá in moguboḻi kon pajak kon i Kaisar andeka diá? Musti moguboḻi kon pajak in kita mongo diá?’ ”

MARKUS 12:16

Dá inogoi monia kon i Yesus in tobatú doit saḷaka. Ki Yesus in noḻibó kon i monia, “Gambar bo tangoi ine in naa?” “I Kaisar,” tubag monia.

YOHANES 8:6

Ḷoḻibó monia tua in potayakanbí monia kon taḷá i Yesus, sinbá oyúon in baḻíon monia dodoyonan popotaḷáan kon i-Nia. Táe ki Yesus tongá kinumuyung bo nopomais in tononuyú-Nea kon butá.