MARKUS 11:4 - Alkitab Singog In Mongondow Masa In Tanaa

⁴ Dá minayá in murí-Nea taya dua tua bo nokodungkuḷ kon ki adí in keledai inta sinogot kon tayowon baḷoi kon bingkí in daḷan. Dá binukádon monia in keledai tatua.

MARKUS 11:4 Referans Kwoze

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

YOHANES 2:5

Táe ki iná i Yesus in noguman kon simpaḷ mita kon pinonikaan tatua: “Aidaidon in onu in pokiaid-Nea kon i monimu.”

MATIUS 26:19

Bo onu inta pinoguman i Yesus kon i monia dinuduian monia, mosia in nosadia kon pongaanan kon singgai in Paska tatua.

MATIUS 21:2

Takin koyow nanaa, “Bayádon in ḻipú inta kon tayowonmai tanion, kon tua moiko mokodungkuḷ kon keledai kobaayan tobatú inta kotogo-togot bo ki adínea in tua kon diugneamai. Bukádon keledai tatua bo diadon mangoi kon i-Nakó in keledai doyowa tatua.

MARKUS 11:3

Bo aka oyúon intau in moḻibó mongo nongonu sin bukaanbí monimu in keledai tatua? dá poguman, ‘Ki Tuhan moparaḷu, bo ḷagion-Neabí pobuion.’ ”

MARKUS 11:5

Bo intau inta sinimindog mako kon tua in noḻibó kon i monia, “Ei! Mongonu in moiko? Nongonu sin bukaanbí monimu in keledai tanion?”