MARKUS 11:10 - Alkitab Singog In Mongondow Masa In Tanaa

¹⁰ Mobiagdon in pomarentaan-Nea kon singgai moiduduimai – pinomarentaan i Daud mogoguyang naton! Dinayo-dayowdon in ki Allah Inta Totok moḷantud!”

MARKUS 11:10 Referans Kwoze

LUKAS 2:14

“Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

MAZMUR 148:1

Dayowdon in ki Tuhan! Dayowdon in ki Tuhan, ei tombonu in soroga! Bayongan inta nogutun kon tampat moḷantud, dayowdon in Sia!

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

MATIUS 3:9

Bo naaipa muna morai kon moiko in mosaḷamatbí sin moiko in moguman kon bonu in gina kon ki Abraham in ki amá nami, pogumankudon kon i monimu, kon batu mita tanaa in motaaubí aidan i Allah ki buí mita i Abraham.

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”