MARKUS 10:26 - Alkitab Singog In Mongondow Masa In Tanaa

²⁶ Tosingogon i Yesus tatua nokotoboḻingo kon murí-Nea mita, dá mosia in nosiḻibóandon, kai monia, “Aka natua yo ki ine in motaau posaḷamaton?”

MARKUS 10:26 Referans Kwoze

OUMAN IN RASUL MITA 16:31

Dá tubag i Paulus bo i Silas kon inia, “Popirisaya kon i Tuhan Yesus! Mosaḷamatbí in iko – moiko tobaḷoian!”

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

MARKUS 7:37

Bo bayongan intau inta nokodongog kon tua moherang totok. Mosia noguman, “Tua komintan inaidan-Nea notompia! Nodapot in binaḻí-Nea intau bongoḷ nokodongog bo intau bobó nokosingog!”

MARKUS 6:51

Bo sinumakoidon in ki Yesus kon uangga, bo tompot nooḷádon. Noherang totok in murí-Nea mita tatua.

LUKAS 18:26

Intau mita inta nokodongog kon singog i Yesus tatua in noḻibó bui kon i Yesus nanaa, “Aka natua dá ki ine in posaḷamaton?”

LUKAS 13:23

Bo oyúon intau in noḻibó nanaa kon i-Nia, “Tuhan, tongá topiḻik degá in intau posaḷamaton?” Dá ki Yesus in notubag,

MARKUS 10:25

Mogampa-gampangbí kon tobatú unta tumuot kon bubú in dodagum dika in tobatú intau nooyúon tumuot kon dunia nobagu i Allah.”

MARKUS 10:27

Ki Yesus inimindoi kon i monia bo noguman, “Aka kon intau, tua in diábí kumaan kon akaḷ, táe aka kon i Allah, komintanbí kumaan kon akaḷ; diábí in diá motaau-Nea aidan.”