LUKAS 8:51 - Alkitab Singog In Mongondow Masa In Tanaa

⁵¹ Noiyaputmai kon baḷoi i Yairus, diá tobatúmai intau ibanea inogoi i Yesus dinumudui kon i-Nia sinumuot in gopot, koḻikudbí in ki Petrus, ki Yohanes, bo ki Yakobus takin ki iná bo ki amá in adí tatua.

LUKAS 8:51 Referans Kwoze

LUKAS 9:28

Degá waḷudon nosinggai nongkon pinotundúan kon bayongan tatua, ki Yesus in nodia kon i Petrus, kon i Yohanes, bo kon i Yakobus notakod kon buḷud sin mosambayang.

MARKUS 14:33

Onda intua ki Yesus nonongganut kon i Petrus, kon i Yakobus bo kon i Yohanes noyotakin-Nea minayá. Bo mulaidon sia angoian robonoḷ in dodob bo moḻia-ḻiaw in gina.

YESAYA 42:2

Sia in diábí kumarak andeka momaḷú moropot, singognea in diábí kodongogan kon daḷan.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.

LUKAS 6:14

Ki Simon (inta dinonoi ki Petrus), bo ki Andreas ki utat i Simon; ki Yakobus bo ki Yohanes, ki Pilipus bo ki Bartolomeus,

DATU MITA 2 4:33

Iḻingkopan i Elisa in ḷoḻingkop bodongka nosambayang kon i Tuhan.

LUKAS 8:50

Tongá dinongog i Yesus onu inta pinoguman in intau tatua, dá Sia in noguman kon i Yairus, “Yairus, dikabí moondok. Popirisayabí dá mosaḷamatbí in ki adímu tatua.”

LUKAS 8:52

Totokdon in ombaḷan bo amuian monia in adí tatua, táe ki Yesus in noguman kon i monia, “Dikadon mongombaḷ in moiko sin adí tatua in diábí minatoi tongábí nosiug!”