LUKAS 8:5 - Alkitab Singog In Mongondow Masa In Tanaa

⁵ “Oyúon intau monononggobá iḷumuai sin mogambor kon bibitnea. Kon wakutu in sia noponabud, oyúon bibit in noḷabú kon bingkí in daḷan. Bibit tatua korita-ritakan mako in intau, onda intua nodait kinaan in ḷagapan.

LUKAS 8:5 Referans Kwoze

IBRANI 2:1

Manangka intua, mustidon totu-totuu in kita kumadai kon totundú mita inta ain dinongog naton, sinbá diá mobaḷui in pirisaya naton.

MARKUS 4:15

Bibit inta noḷabú kon daḷan in ibarat intau inta nokodongog kon habar soaḷ naonda in ki Allah momarenta. Naonda in sia nokodongog, Ibilis namangoi bo nogamá kon onu inta ain pinomuḷa kon bonu in ginanea.

KINOBAḺIAN 15:11

Tapú mita tatua inangoi in ḷagapan mita inta mokokaan kon tapú mita inta nobongkogdon, táe inuntun i Abram.

MATIUS 13:37

Sia in notubag, “Intau inta nogambor kon bibit mopia tua in ki Adí Intau.

MATIUS 5:13

“Moiko nion in simuton in dunia. Aka simuton tatua moḻiaudon, yo onu in pogibung kon inia? Diá bidon in baragunanea, dongka bidon ḷumbúon bo koritakan in intau.

MAZMUR 119:118

Iko in doíbí kon intau inta sinumabat kon atorang-Mu, diábí in mangaḻe in tombuḻitok monia.

LUKAS 8:4

Diá mobonto-bontow in intau mita in mamangoi kon i Yesus. Mosia in namangoi nongkon ḻipu-ḻipúannea. Naonda in intau nobayongdon in noyosipun, ki Yesus in nongonguman kon tobatú poumpamaan kon i monia nanaa,

LUKAS 8:6

Oyúon doman in noḷabú kon butá inta nobarong totok in batu. Naonda in nobiagdon buibí noḷaḷow sin noingkag in butánea.