LUKAS 8:11 - Alkitab Singog In Mongondow Masa In Tanaa

¹¹ “Naa mangaḻe in poumpamaan tatua: Bibit tua in Pirman i Allah.

LUKAS 8:11 Referans Kwoze

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

YAKOBUS 1:21

Tuamai ḷumbúdon in tabiat inta nonajis bo moraat. Táe koaḷusdon in gina motarima kon pirman inta pinomuḷa i Allah kon bonu in ginamu, sin moḷoben kawasa in pirman tatua kon moposaḷamat kon inimu.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

MATIUS 13:18

“Manangka intua indongogai in mangaḻe in poumpamaan tatua.

MARKUS 4:13

Onda intua, ki Yesus in noguman kon i monia, “Aka diá komangaḻean monimu in poumpamaan tatua, yo naondabí in komomangaḻe monimu kon poumpamaan ibanea mako?

LUKAS 8:12

Bibit inta noḷabú kon bingkí in daḷan, tua in ibarat intau inta ain nokidongog kon Pirman i Allah, onda intua inangoi in Ibilis bo inagow in Pirman tatua nongkon bonu in gina monia, sin dika bo mosia in mobaḻí mopirisaya bo posaḷamaton.