LUKAS 7:5 - Alkitab Singog In Mongondow Masa In Tanaa

⁵ sin sia tua in motabibí kon bayongan intau naton bo sia doman tua inta nokiposindog in baḷoi pososambayangan nami.”

LUKAS 7:5 Referans Kwoze

YOHANES 1 3:14

Kinotaauandon naton kon kita iḷumuaidon nongkon kawasa in popatoi, bo nomampingdon kon bonu in kawasa inta mokobiag, sin lantaran kita notabidon kon i utat mita naton. Sin ki ine in diá motabi kon i utatnea, yo sia tua in tantúpa nobiag kon bonu in kawasa in popatoi.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

DATU MITA IMITÁNEA 5:1

Ki Hiram, datu in Tirus, umuran noyobayat i Datu Daud. Naonda in kinodongogan i Hiram kon ki Salomo in nobaḻídon datu nonoḻiu kon i Daud, ki amánea, sia in nopotabá in intaunea namangoi kon i Salomo.

LUKAS 7:4

Mosia in minayá kon i Yesus, bo naonda in noiyaput kon i Yesus, mosia nopoigum totok sinbá Sia in moibog mamangoi motuḷung kon porwira tatua. Mosia in noguman nanaa, “Porwira tatua patusbí tuḷungan i Amá,

LUKAS 7:6

Dá ki Yesus in minayá noyotakin monia. Táe naonda in nodiugdon in mosia kon baḷoi in porwira tatua, porwira tatua nopotabá bui kon yobayatnea mita sin moguman nanaa kon i Yesus, “Tuang donaaidon ki Tuang rumorigamai mamangoi in baḷoiku sin diábí patus in akuoi motarima kon i Tuang kon bonu in baḷoiku.