LUKAS 7:42 - Alkitab Singog In Mongondow Masa In Tanaa

⁴² Popisí in taya dua tua diádon mokopobui kon doit tatua, dá pinopatandon in intau tatua in boḻi nayadua tua. Aka natua yo ḻibóon-Ku kon i monimu, ki ine in kon sigad nayadua tua in motabi-tabi kon intau inta nopoḷuan in doit tatua?”

LUKAS 7:42 Referans Kwoze

KOLOSE 3:13

Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

SURAT I PAULUS KON JAMAAT RUM 3:24

Tongábí popisí in totabi i Allah inta pinomorosen-Nea, dá hubungan in intau bo i Allah in motompiadon bui; caranea kon tua intau pinobebasdon i Kristus Yesus.

MATIUS 18:34

Bo sinumorú totok in ki tuangnea tatua sahingga in pinobonunea kon ponjara in sia nodapot in nodaitnea inuboḻian in bayongan boḻinea.”

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

MAZMUR 103:3

Sia inta mongampung kon dosamu, inta nongundam kon bayongan in takitmu,

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

MATIUS 18:27

Bo noḻiai in ginanea popisí in tabinea kon simpaḷnea tatua, dá diádon pinoki uboḻinea in boḻinea tatua bo pinopatanneadon.

LUKAS 7:43

Dá kain tubag doman i Simon, “Tantú intau inta mobayong in boḻinea!” Kai Yesus, “Totuu in tubagmu nion.”

SAMUEL 2 14:13

Guman in bobay tatua, “Takin tosingogon i Tuangku tatua, dá ki Tuangku ain nongaku kon ki Tuangku tontaní in kotaḷádon sin diá nobogoi kon i adí ḷoḷaki i Tuangku mobui nongkon pinoḷaguiannea. Nongonu sin ki Tuangku in momiabí kon noitaḷá ná tatua kon umat i Allah?