LUKAS 7:41 - Alkitab Singog In Mongondow Masa In Tanaa

⁴¹ Dá kai Yesus doman, “Oyúon intau doyowa, taya dua tua in tumpaḷa koboḻi kon intau inta mopopoḷuan in doit. Intau tobatú koboḻi kon ḻima nogatut doit saḷaka. Inta tobatú in koboḻi kon ḻima nopuḷú in doit saḷaka.

LUKAS 7:41 Referans Kwoze

LUKAS 7:47

Poguman-Kudon kon inimu, tabinea inta moḷoben tatua noponiata kon taḷánea inta noantó aindon inampungan! Intau inta tongá inampungan topiḻik in taḷánea, tabinea in tongá doman topiḻik.”

SURAT I PAULUS KON JAMAAT RUM 5:20

Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.

MATIUS 18:28

Tongá naonda in simpaḷnea tatua iḷumuai bo noyodungkuḷ in sia in simpaḷ ibanea inta koboḻi doman kon inia táe tongá pulúan ribu. Dinomok bo binongkugnea in yobayatnea tatua, bo poḷat noguman, ‘Uboḻiai in boḻimu!’

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

SURAT I PAULUS KON JAMAAT RUM 3:23

Intau in komintan bidon binaradosa bo noyayúdon kon i Allah inta moposaḷamat kon i monia.

LUKAS 11:4

Ampungaidon in taḷá mita nami, sin kami in nongampung domandon kon intau inta kotaḷá kon inami. Bo donaai pomayá mako in kami kobuḻian in pirisaya kon dodai in kami koantugan in totungkuḷ.’ ”

LUKAS 13:4

Andeka kai monimu kamai yo intaubí inta mopuḷú bowaḷu inta kinoumpagan in ḷangkeang kon diug in Siloam in moḷobe-ḷoben in dosa nongkon intau mita inta nogutun kon Yerusalem?

LUKAS 12:48

Táe aka intau inta diá nonotaau kon kinoibog i tuangnea bo sia in nogaid kon inta noitaḷá, dá musti sambokon, yo sia tua in sambokonbí táe koyangkóon.”

YEREMIA 3:11

Onda intua ki Tuhan nopotaau kon inakó kon umpaka Israel nonoḻikudon kon i-Nia, táe Israel in noniata magí in mopia-piabí kon Yohuda inta diá motoindudui tua.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

PINOGIAPAN 27:3

“Ki amá nami minatoi kon padang gurun bo sia in diá kogadí kon ḷoḷaki. Sia tua in deemanbí dumodudui i Korah inta nomarontak kon i Tuhan. Ki amá nami tua in minatoi popisí in dosaneabí tontaní.

MARKUS 6:37

Táe ki Yesus in noguman, “Mustibí moiko in mopokaan kon i monia.” Dá murí-Nea mita in noguman kon i Yesus, “Musti degá in kami mayá motaḷui kon roti boḻi in doyowa nogatut doit saḷaka sin pokaan kon intau mita tanaa?”

LUKAS 7:40

Dá ki Yesus in noguman nanaa kon intau in Parisi tatua, “Simon, oyúon in poguman-Ku kon inimu.” Dá kai Simon doman, “Oo, pogumandon Pak Guru.”