LUKAS 7:2 - Alkitab Singog In Mongondow Masa In Tanaa

² Kon tua oyúon in tobatú porwira in Rum inta kobobantung. Bobantungnea tatua, totok in kinotabinea táe dodai intua notakit moyoyiga dongkadon oḷaton.

LUKAS 7:2 Referans Kwoze

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KOLOSE 3:22

Utat mita inta nobaḻí ata! Kon bayongan in rupa-rupa duduiaibí onu in pokiaid i tuangmu kon dunia naa. Deemanbí dumudui aka koontonganpa mako monia sinbá dayowon in moiko. Táe duduiaibí in mosia takin gina motuḻid lantaran horomatmu kon i Tuhan.

LUKAS 23:47

Naonda in itoi in tontara nokoontong kon onu inta ain nobaḻí tatua, sia nodayow kon i Allah, kainia, “Totuu, Sia naa in diábí kotaḷá!”

LUKAS 8:42

sin wakutu intua ki adínea inta tongá totobatú tua notakit dongkadon oḷaton. Adí tatua umurdon degá mopuḷú bodoyowá notaong. Dá ki Yesus minayá. Kon bonu in binayáan tatua totok in sisíon monia in ki Yesus.

MATIUS 27:54

Itoi in tontara takin prajurit-Nea inta noḷukad kon i Yesus noondokdon totok naonda in nokoontong kon ḻinug bo onu inta aindon nobaḻí tatua, bo mosia nosingog, “Totuubí, kon Sia naa in ki Adíbí i Allah!”

AMSAL 29:21

Bobantung inta umuran sinauan nongkon noguodpamai, imbuitnea in mobaḻídon pamandot.

AYUB 31:5

Akuoi in mongibot kon diápabí dodai in onda in akuoi nogaid kon noitaḷá; diápabí doman kon dodai in onda in akuoi nonguboḷ kon intau.

KINOBAḺIAN 35:8

Kon tua doman ki Debora, tobatú moḷoḷukad kon i Ribka, minatoi bo iḷobong kon siungon pangkoi in kayu moḷoben inta kon dotá in toḷatan kotá tatua. Tuamai pangkoi in kayu tatua sinangoian “Pangkoi Moḷoben Pinongombaḷan”.

OUMAN IN RASUL MITA 27:43

Táe inimaḷowan in porwira tatua sinbá ki Paulus in diá doman ḷutamon monia. Bo pinotabánea in intau mita inta motaau ḷumanguy, bo ḷumanguy muna mayá in toba;

OUMAN IN RASUL MITA 27:3

Naonda in nopoikoḷomaidon kon singgai, noiyaputdon in kami kon Sidon. Mopiabí totok in ki Yulius kon i Paulus. Inogoineabí in sia minaya-mayá mako mokipodungkuḷ kon yobayatnea mita sinbá ogoian monia onu in kaparaḷuannea.

OUMAN IN RASUL MITA 27:1

Naonda in notantú kon tumakoidon kon kapaḷ in kami sin mayá in Italia, ki Paulus takin tahanan mita ibanea pinosarakandon kon i Yulius, tobatú porwira in tontara in Rum inta tangoionmai “Totabá i Kaisar.”

OUMAN IN RASUL MITA 23:17

Dá nogoiní in ki Paulus kon porwira tobatú bo noguman kon inia nanaa, “Diápa in adí tanaa kon i itoimu sin oyúon in oumanonnea kon inia.”

OUMAN IN RASUL MITA 22:26

Nokodongogmai kon tatua, tontara tatua in minayá kon i itoinea bo noḻibó nanaa, “Onuon i tuang intau tanaa? Sia tua intaubí in Rum!”

OUMAN IN RASUL MITA 10:7

Naonda in minayádon malaekat inta noguman kon i Kornelius tua, ki Kornelius in nogoiní kon bobantungnea doyowa bo tontara tobatú inta totok in motoindudui.

OUMAN IN RASUL MITA 10:1

Kon Kaisarea oyúon in tobatú ḷoḷaki, tangoinea in ki Kornelius. Sia naa in itoi in “Tontara in Rum”.

LUKAS 7:1

Nopaḷut mako in ki Yesus nosingog kon tayowon intau moantó tatua, Sia minayá in Kapernaum.

LUKAS 7:3

Naonda in porwira tatua nokodongog kon bayongan inta inaidan i Yesus, sia nopotabá kon tongonumai itoi mita in Yahudi mayá kon i-Nia bo mopoigum sinbá ki Yesus mamangoipa mongundam kon bobantungnea tatua.