LUKAS 6:35 - Alkitab Singog In Mongondow Masa In Tanaa

³⁵ Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

LUKAS 6:35 Referans Kwoze

YOHANES 13:35

Aka moiko bo mositabian, yo kotaauandon in intau kon moiko nion in murí-Kubí mita.”

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

MAZMUR 145:9

Sia in mopiabí in gina kon bayongan in intau, bo motabi kon bayongan inta binaḻí-Nea.

AMSAL 22:9

Intau inta mopia in gina barakatan i Tuhan, tuamai mosilai in sia kon rijiki kon intau inta kinodaitan.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

YOHANES 15:8

Aka moiko momungai modatog, yo ki Amá-Ku in pomuliaan; bo moiko in totu-totuudon mobaḻí murí-Ku mita.

MAZMUR 37:26

Sia in umuranbí mopoḷuan bo mobogoi, bo ki adínea mita in nobaḻí barakat kon inia.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

LUKAS 1:32

Sia in mobaḻí intau moḷoben bo tangoion ki Adí i Allah Inta Totok in moḷantud. Baḻíon i Allah in Sia Datu naonda bo ki Daud ki ḷaki-Nea.

MARKUS 5:7

Bo nomaḷú noropot, “Yesus, Adí i Allah inta Totok in Moḷantud! Onuon-Mu in akuoi ná? Podoyon kon tangoi i Allah, akuoi mopoigum kon ini-Mu, donaai rorigaan in akuoi!” (

MAZMUR 58:11

Mokoontong kon intau moraat hukumon, mopia in gina in intau motuḻid, bo momatá kon sioḷnea kon bonu in dugú in intau moromú.

MATIUS 5:9

Pia in kamang in intau inta moibog in dodamean; sin mosia tua in tangoion ki adí mita i Allah!

LUKAS 6:36

Musti potonop monimu kon gina in totabi kon tumpaḷa intau ná ki Amámu nopuḻing doman in totabi kon intau!”

TIMOTIUS 2 3:2

Intau mita in dongkadon umuran momikir kon kopontingan monia tontaní. Kon gina monia in dongka bidon tantú doit, mosia in moambungangaḷ bo moibog monguboḷ, moibo-ibog moningkuḻe kon intau, momarontak kon guyanga, diá motaau motuḻí kon kopopia in intau kon i monia bo onu inta sinundú in agama kodoíbí monia.