LUKAS 6:11 - Alkitab Singog In Mongondow Masa In Tanaa

¹¹ Táe intau mita in Parisi bo mototundú mita kon agama sinumorú totok kon i Yesus, dá nomangkoidon in mosia noyosingog mongo onu in aidan monia kon i Yesus.

LUKAS 6:11 Referans Kwoze

OUMAN IN RASUL MITA 5:33

Nokodongogmai kon tua, totok in mosia sinumorú, dá ibogon monia ḻimodonbí in rasul mita tatua.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

OUMAN IN RASUL MITA 26:11

Moantó in pinogutúku in mosia kon baḷoi mita pososambayangan, pakisaanku sinbá diádon mopirisaya in mosia kon i Yesus. Totokbí moyaat in ginaku kon i monia tungkuḷ intua, noidapot in aḷowanku in mosia kon ḻipu-ḻipúannea.”

OUMAN IN RASUL MITA 7:54

Naonda dinongog in anggota in Sidang Agama in bayongan singog i Stepanus tatua, totok nonakit in gina monia bo sinumorú totok kon inia.

OUMAN IN RASUL MITA 4:19

Táe ki Petrus bo ki Yohanes in noguman kon i monia nanaa, “Raidon monimu kopia mongo onda in mopia-pia kon tayowon i Allah: Dumudui kon parenta monimu mongo dumudui kon parenta i Allah.

OUMAN IN RASUL MITA 4:15

Dá pinoḷuaidon monia kon yuang sidang tatua in rasul mita tatua, bodongka noyosingog bui in mosia,

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

LUKAS 4:28

Nokodongogmai kon tua, nodait sinumorú in intau mita inta kon bonu in Baḷoi Pososambayangan tatua.

MATIUS 21:45

Naonda in imang mita itoi bo intau mita in Parisi nokodongog kon poumpamaan mita i Yesus kinomangaḻeandon monia, kon mosiabí tua in pinopomakusudan-Nea.

MATIUS 16:7

Dá mosia in norai bo noguman, “Sia nosingog kon natua sin kita in diá nodia kon roti.”

LUKAS 6:10

Ki Yesus in nobobui magí-mako kon i monia komintan, onda intua Sia in noguman kon intau tatua, “Tonggó in ḻimamu.” Bo sinonggónea in ḻimanea tatua, dá kon dodaipa doman tatua nopia in ḻimanea inta minatoi tatua.

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

TIMOTIUS 2 3:9

Táe ain bidon notantú kon mosia tua in diá bidon mokouḻí kon onu bo onu, sin pompuḷong monia tua in kinotaauanbí in bayongan intau, naonda bo ki Yanes bo ki Yambres doman tungkuḷ intua.