LUKAS 5:8 - Alkitab Singog In Mongondow Masa In Tanaa

⁸ Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

LUKAS 5:8 Referans Kwoze

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

HAKIM MITA 13:22

Bo ki Manoah in noguman kon i buḷoinea, “Matoidon in kita sin kita in nokoontongdon kon i Allah!”

IḶUAIAN 20:19

Guman monia kon i Musa, “Ikodon tontaní in moguman kon inami, kami in mokidongogbí; táe donaaidon ki Allah in moguman kon inami, sin matoi in kami.”

SAMUEL 1 6:20

Bo intau mita in Bet-Semes noguman, “Ki inebí in mokotahang kon tayowon i Tuhan, Allah Inta Motusi tua? Kon onda in pogatodan naton kon poti tatua sinbá moiyayú kon i naton?”

MATIUS 17:6

Nokodongog kon tua nongoitungkud in murí-Nea mita, bo totokdon inangoian in ondok in mosia.

YOHANES 11:32

Wakutu in ki Maria noidapotdon kon i Yesus bo nokoontongdon kon i-Nia, sinumungkud in Sia kon tayowon-Nea bo noguman, “Tuhan, aka kuma dodai intua ki Tuhan kon naa, yo diábí minatoi in ki utatku.”

MATIUS 8:8

Táe porwira tatua in notubag: “Donaaidon Pak Guru, sin diá mokobaḻí in akuoi motarima kon i Pak Guru kon baḷoiku. Ogoiaidon in tosingogon tongákabí totontagá, yo notantú kon mopiabí in bobantungku tatua.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

SAMUEL 2 6:9

Táe moondok doman in ki Daud kon i Tuhan bo noguman, “Yo naonda in pododiaku kon Poti in Dodandian tatua?”

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

LUKAS 5:7

Mosia in dongkadon nokituḷung kon yobayat monia inta kon uangga ibanea. Dá namangoi in yobayat mita monia tatua bo noduḷu nopobonu in toyá inta noaḷap monia tua kon bonu in uangga doyowa nodapot ain tumaḷom in uangga mita tatua.

LUKAS 5:9

Sin ki Simon bo intau mita inta noyotakinnea in nongoherang in nokoontong kon kobarong in toyá inta noaḷap monia tua.