LUKAS 5:3 - Alkitab Singog In Mongondow Masa In Tanaa

³ Ki Yesus in sinumakoi kon uangga tobatú kon tua, sinakoian-Nea tua in uangga i Simon. Pinoki undud-Nea kon i Simon pinoyayú topí kon pintad bo iḻimitú in Sia kon bonu in uangga tatua bo nopoyaput in Habar Mopia kon intau moanto inta kon tua.

LUKAS 5:3 Referans Kwoze

MATIUS 4:18

Kon tungkuḷ in ki Yesus minayá nongin bingkí in Danow Galilea, Sia in nokoontong kon intau taya dua mogutat, ki Simon (inta dinonoi ki Petrus) bo ki Andreas ki utatnea. Tua in tangoi monia. Mosia in koyogot mobukayad kon landará kon danow sin tuabí in oaidan monia, modomok kon toyá.

YOHANES 8:2

Nopoikoḷomai kon singgai, subupa Sia in minayádon bui in Baḷoi Tuhan, bo nobayong intau in namangoi kon i-Nia. Ki Yesus in iḻimitú bo nomangkoidon nobogoi in totundú kon i monia.

MARKUS 3:9

Mobayong totok in intau, manangka intua ki Yesus nokitayak in uangga kon murí-Nea mita, sinbá diá kogupitan monia in Sia.

MARKUS 3:10

Bo nobayong totok in intau inundaman-Nea, dá bayongan in intau notakit komintan moḷongasi dimiug kon i Yesus bo moḻiai kon i-Nia.

LUKAS 5:2

Kon tua, ki Yesus nokoontong doman kon uangga doyowa. Kitogi uangga tatua in noponagdon nongkon uangga tatua bo koyogot nondaritmai kon landará monia.