LUKAS 5:24 - Alkitab Singog In Mongondow Masa In Tanaa

²⁴ Táe tanaa mako in poniata-Kudon kon i monimu kon ki Adí Intau oyúonbí in kawasa-Nea mongampung kon taḷá kon dunia naa.” Onda intua Sia in noguman kon intau ḻempeng tatua, “Pobangondon, bo buatdon in tosiuganmu, bo pobuidon!”

LUKAS 5:24 Referans Kwoze

WAHYU 1:13

Kon yua-yuak in sioḷ mita pototuduan kon togá tatua, inontongku in naonda bo intau. Sia in nogi jubah moḷanggó noidapot in sioḷ. Kon dodob-Nea oyúon in oḻingoi in dodob inta pinomia nongkon buḷawan.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

OUMAN IN RASUL MITA 14:10

bo noguman noropot, “Sindogdon kotuḻid!” Intau tatua iḷumanduk in sinimindog bo minayá.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.

OUMAN IN RASUL MITA 9:34

Ki Petrus noguman kon i Eneas, “Eneas, ki Yesus Kristus in mongundam kon inimu. Pobangondon bo toinutdon in tosiuganmu tanion.” Dá kon dodaipa doman tatua bo nobangon in ki Eneas, bo nopirisayadon in mosia kon i Tuhan.

OUMAN IN RASUL MITA 5:31

Ki Yesusbí tua inta ain inogoian ḷoḻitúan bo kawasa moḷantud saḷaku Itoi bo Mopoposaḷamat, sinbá intau in Israel ogoian in wakutu mogogai in mogaid kon dosa, bá ampungan in mosia.

YOHANES 17:2

Amá inogoi-Mudon in kawasa kon i-Nia sin mongawasa kon bayongan inta nobiag, sinbá Sia in mobogoi doman in kobiagan mononoi kon i monia inta inogoi i Amá kon i-Nia.

YOHANES 11:43

Nosingog mako natua, ki Yesus in nomaḷú noropot in noguman, “Lazarus, ḷuaidon!”

YOHANES 5:27

Sia in nobogoi in hak-Nea kon i Adí-Nea mohakim, sin Sia in ki Adí Intau.

YOHANES 3:13

Diábí in tobatúmai intau inta nokoimontandon namonik in soroga, koḻikudbí in Sia inta ain noponag kon dunia naa, Sia tuata in ki Adí Intau.

LUKAS 8:54

Dá kinadaian i Yesus in ḻima in adí tatua bo noguman, “Pobangondon, Uḻe!”

LUKAS 7:14

Bo Sia in dinimiug kon buḻigan tatua bo kinadaian-Nea. Dá intau mita inta nobuḻig in sinumogon bo Sia noguman, “Ei Uḻe. Akuoi in moguman kon inimu pobangondon!”

LUKAS 5:13

Dá kinadaian i Yesus in intau tatua poḷat noguman, “Akuoi in moibog, kopiadon!” Kon dodaipa doman intua bo nopia in takitnea.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

MATIUS 26:64

Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

MATIUS 16:13

Naonda in ki Yesus noiyaput kon Kaisarea Pilipi, Sia in noḻibó kon murí-Nea mita, “Podudui in guman intau ki ine in ki Adí Intau tua?”

MATIUS 9:6

Táe bá kotaauan monimu, kon Adí Intau in inogoian in kawasa mongampung kon taḷá kon dunia naa.” Bo Sia in noguman kon intau inta ḻempeng tatua, “Pobangondon, buatdon in tosiuganmu bo pobuidon kon baḷoimu!”

DANIEL 7:13

Kon bonu in ontongonku doḷom tua, inontongku in oyúon in naonda bo intau. Sia in namangoi takin iḻibu in goḷom bo dinia minayá kon i-Nia inta mononoi.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

LUKAS 5:18

Kon dodai intua oyúon in intau mita nobuḻig mangoi kon intau ḻempeng inta dongkadon noitosiug mako kon tosiugannea. Mosia noramuji mopotuot in intau tatua kon bonu in baḷoi sinbá motaau popoukat monia in intau ḻempeng tatua kon tayowonmai Yesus.

LUKAS 5:23

Onda degá in mogampa-gampang, moguman, ‘Taḷámu aindon inampungan’, andeka moguman, ‘Pobangondon bo bayádon!’?