LUKAS 4:2 - Alkitab Singog In Mongondow Masa In Tanaa

² Kon tua Sia sinoba in Ibilis opat nopuḷú nosinggai in koonggotnea. Opat nopuḷú nosinggai tua Sia diá nokaan kon onu bo onu dá pangabisannea, ginogoy in Sia.

LUKAS 4:2 Referans Kwoze

DATU MITA IMITÁNEA 19:8

Nobangon i ki Elia, poḷat nongaan bo nonginum. Dá noropotdon in sia bo nokobayádon in sia opat nopuḷú nosinggai in koonggotnea, minayá in Buḷud in Sinai, tampat inta pinoki pogontongan i Allah.

IḶUAIAN 34:28

Opat nopuḷú nosinggai bo opat nopuḷú nogobii ki Musa nogutun kon tua noyotakin i Tuhan, bo kon bonu in wakutu tatua sia in diábí nongaa-ngaan diá doman nonginu-nginum. Tosingogon mita kon dodandian tatua, tuata in Parenta i Allah inta mopuḷú, pinaisnea kon batu pomomaisan.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

IBRANI 2:18

Bo popisí in Sia tontaní nokorasadon kon roriga bo sobaan, dá motaaudon in Sia motuḷung kon intau mita inta kinoantugan in sobaan.

ULANGAN 9:9

Akuoi notakod kon buḷud tatua sin motarima kon batu dodandian inta pinomia i Tuhan takin i monimu. Opat nopuḷú nosinggai bo opat nopuḷú nogobii in koonggotnea akuoi nogutun kon buḷud tatua takin diá nopongaa-ngaan ande diá noponginu-nginum.

YOHANES 4:6

Kon tua oyúon parigí i Yakub. Noḷopídon totok in ki Yesus sin bobayáan tatua, tuamai in Sia iḻimitúpa kon bingkímai in parigí tatua. Dodai intua noutudon in singgai, degá jam mopuḷú bo doyowa.

ULANGAN 9:18

Bo komintanpa doman in akuoi minayá dinumokó kon tayowon i Tuhan kon tudu in buḷud opat nopuḷú nosinggai bo opat nopuḷú nogobii in koonggotnea takin diá nopongaa-ngaan ande diá noponginu-nginum. Tua in pinomiaku sin moiko aindon nogaid kon dosa kon i Tuhan takin nomia kon onu inta inanggap-Nea moraat, dá sinumorú in Sia.

MATIUS 21:18

Kon wakutu in doḷo-doḷom kon binayáan-Nea nobui minayá in kotá, ki Yesus nokorasa kon gogoyon.

MATIUS 4:2

Bo naonda in Sia nopaḷut nopuasa opat nopuḷú nosinggai bo opat nopuḷú nogobii, inangoiandon gogoy in Sia.

YUNUS 3:7

Sia in nopohabar doman kon parenta tanaa, “Parenta tanaa in pinotaau kon Niniwe podudui in bontow in tosingogon i datu bo menteri mita: Bayongan in intau, sapi, domba bo bobiagon ibanea diápa ogoi in mongaan bo monginum.

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

SAMUEL 1 17:16

Kon bonu in opat nopuḷú nosinggai, pomuḷoi in doḷo-doḷom bo ḷoḷabungnea, ki Goliat dimiug kon pipidan intau in Israel bo monontot kon i monia.

ULANGAN 9:25

Kinotaauankubí kon ibogon i Tuhan yopúon-Neadon in moiko. Dá kon bonu in opat nopuḷú nosinggai bo opat nopuḷú nogobii akuoi dinumokó kon tayowon i Tuhan

IḶUAIAN 24:18

Bo ki Musa notakodon nodapot in sia sinumuotdon kon bonu in goḷom tatua. Opat nopuḷú nosinggai bo opat nopuḷú nogobii ki Musa nogutun kon tua.

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

LUKAS 4:3

Bo namangoidon in Ibilis noguman kon i Yesus, “Iko in totu-totuu ki Adí i Allah? Yo, pogumanaika in batu mita tanion sinbá mobaḻí roti.”