LUKAS 3:5 - Alkitab Singog In Mongondow Masa In Tanaa

⁵ Toko bumbunai in ḻembong mita, bo pomuḷoi in buḷud bo inta notombuḷud in tokotondodaidon. Daḷan inta nongobelung tokotuḻidon, bo inta nongotontudu tokotondodaion.

LUKAS 3:5 Referans Kwoze

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 40:4

Bayongan in oyuknea musti bumbunan, buḷud bo tombuḷudnea in tondodaion. Butá inta notombuḷud in motonḷopá, bo inta nongotangkaḻembong in ḷamagon.

YESAYA 49:11

Akuoi in momiabí kon daḷan mongin buḷud, bayongan in daḷan moḷoben-Ku in tondodaion-Kubí.

YESAYA 45:2

“Akuoi in moposadiabí in daḷan bayáanmu; buḷud bo tombuḷudnea in tondodaion-Kubí, ḷoḻingkop mita tambaga in tokobotakon-Kubí, bonoboi mita uatoi putoḷon-Ku.

YEHEZKIEL 17:24

Bayongan in pangkoi in kayu kon butá in monotaaudon kon Akuoibí in ki Tuhan. Pangkoi in kayu inta moḷantud in pupuḷon-Ku; pangkoi in kayu inta moompá in baḻíon-Ku moḷantud moiḷontú. Pangkoi in kayu inta motoḷubú in ingkagan-Kudon; bo pangkoi in kayu inta noingkag in poponubú-Kudon bo momungai. Akuoi, ki Tuhan, ain nosingog, bayongan inta siningog-Ku in mobaḻíbí.”

YAKOBUS 1:9

Intau in Keresten inta nobiag nobogá, kosanangbí aka sia in poḷantudon i Allah.