LUKAS 3:36 - Alkitab Singog In Mongondow Masa In Tanaa

³⁶ inta ki adí i Kenan, ki adí i Arpakhsad, ki adí i Sem, ki adí i Nuh, inta ki adí i Lamekh,

LUKAS 3:36 Referans Kwoze

PETRUS 2 2:5

Natuabí doman in pinomia kon dunia tungkuḷ intua, diábí pinomayá mako i Allah kotaḻiban in hukuman. Pinoangoi i Allah in ḷunud moḷoben totok kon dunia in intau mita moraat tungkuḷ intua. Tongábí ki Nuh takin intau pitu ibanea in pinosaḷamat i Allah, sin sia in nopotaau in habar soaḷ kobobiag inta mokosanang kon gina i Allah.

PETRUS 1 3:20

tuata in roho mita in intau inta diá motoindudui kon i Allah kon sempo i Nuh. Kon wakutu intua nosabar totok in ki Allah nogoḷat kon i Nuh dodai in nogaid kon kapaḷnea. Tongábí taya waḷu inta kon bonu in kapaḷ tatua in pinosaḷamat nongkon ḷunud inta moḷoben totok tatua.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

LUKAS 17:27

Intau mita in nongaanbí bo nonginum, nobuḷoi bo pinobuḷoi nodapot kon singgai ki Nuh sinumuotdon kon bonu in kapaḷ bo ḷunud moḷoben namangoi bo nomutú kon intau mita tatua.

YEHEZKIEL 14:14

Umpakabí in ki Nuh, ki Daniel bo ki Ayub in nogutun kon tampat tatua, dá kopopia i nayatoḷu in tongábí mokosaḷamat kon awak monia tontaní. Akuoi, ki Tuhan Inta Totok in moḷantud ain nosingog.

TAWARIKH 1 1:17

Ki adí mita ḷoḷaki i Sem in ki Elam, ki Asyur, ki Arpakhsad, ki Lud, ki Aram, ki Us, ki Hul, ki Geter bo ki Mesekh. Mosia tua in mogoguyang in bangusa mita inta sinangoian pinodudui in tangoi monia.

KINOBAḺIAN 9:18

Ki adí mita i Nuh inta iḻumuai nongkon uangga moḷoben tatua in ki Sem, ki Yapet bo ki Ham. (Ki Ham naa ki amá in Kanaan.)

KINOBAḺIAN 9:1

Ki Allah in nomarakat kon i Nuh bo kon i adínea mita takin noguman, “Pononggadí bo pononggompudon inta kobarongon, sinbá buímu in mogutun kon dunia naa.

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

KINOBAḺIAN 7:13

Kon singgai doman tatua, ki Nuh bo ki buḷoinea sinumuot kon bonu in uangga moḷoben tatua takin ki adínea taya toḷu, ki Sem, ki Yapet bo ki Ham takin ki buḷoi monia mita.

KINOBAḺIAN 6:22

Ki Nuh in dinumudui poḷat nogaid kon bayongan inta pinoki aid i Allah kon inia.

KINOBAḺIAN 5:3

Naonda in ki Adam umurdon mogatut bo toḷu nopuḷú notaong, nokouḻídon in sia kon adí ḷoḷaki inta notombatangannea, bo sinangoiannea ki Set.

TAWARIKH 1 1:1

Tangoi mita in mogoguyang in bangusa in Israel nongkon i Adam noidapot kon i Nuh, ná noiduduimai tanaa: Adam Set Enos Kenan Mahalaleel Yared Henokh Metusalah Lamekh Nuh. Ki adí ḷoḷaki i Nuh in taya toḷu: Ki Sem, ki Ham bo ki Yapet.

LUKAS 3:35

ki adí i Serug, inta ki adí i Rehu, adí i Peleg, ki adí i Eber, inta ki adí i Salmon,

LUKAS 3:37

inta ki adí i Metusalah, ki adí i Henokh, ki adí i Yared, inta ki adí i Mahalaleel, ki adí i Kenan,