LUKAS 3:3 - Alkitab Singog In Mongondow Masa In Tanaa

³ Ki Yohanes minaya-mayá mako in bayongan ḻipú inta kon diugmai in Ongkag in Yordan bo nopobaḷú, “Pogogaidon in mogaid kon dosa mita bo pokibaptisdon sinbá ampungandon i Allah in bayongan taḷámu.”

LUKAS 3:3 Referans Kwoze

LUKAS 1:77

Bo iko in mopotaau kon umat-Nea, kon mosia in posaḷamaton i Allah aka taḷá mita monia bo ampungan-Neadon.

OUMAN IN RASUL MITA 22:16

Bo tanaa in donaaidon mokopoonggot in iko, pobangondon bo bayádon pokibaptis. Pokuanidon kon i Tuhan sinbá iko in pilatandon nongkon bayongan in dosamu.’ ”

OUMAN IN RASUL MITA 19:4

Ki Paulus in noguman, “Ki Yohanes nobaptis kon intau mita tatua sinbá mogogaidon in mosia in mogaid kon dosa. Táe wakutu intua ki Yohanes in nopotaau domandon kon intau mita in Israel kon mosia in musti mopirisaya kon Intau inta mamangoi moidudui kon inia, makusud in singognea tua in ki Yesusbí.”

OUMAN IN RASUL MITA 13:24

Wakutu in ki Yesus diápa nomangkoi kon oaidan-Nea, pinobaḷúdon muna i Yohanes kon bayongan intau Israel kon musti mogogaidon in mogaid kon dosa mita monia bo baptisondon.

YOHANES 3:26

Mosia minayá kon i Yohanes bo noguman, “Pak guru, kinotoropanpa degá i Pak guru in intau inta noyotakin i Pak guru kon ḷoḷanmai in Ongkag in Yordan tua, inta sinundú i Pak guru wakutu intua? Sia nobaptis doman in tanaa mako bo komintan intau mayá kon i-Nia!”

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

YOHANES 1:28

Tua komintan in nobaḻí kon Betania inta kon ḷoḷanmai in Ongkag in Yordan inta pobaptisanmai i Yohanes.

LUKAS 1:16

Mobarong in intau Israel diaannea bui mayá kon i Tuhan, Allah monia.

LUKAS 4:1

Naonda in nobatun mako kon tubig in Ongkag Yordan ki Yesus, Sia kinawasa in Roho i Allah bo dinia minayá in padang gurun.