LUKAS 3:17 - Alkitab Singog In Mongondow Masa In Tanaa

¹⁷ Digu kokada-kadai-Neadon sin poguaban kon gandum dapot in modarit. Gandum inta nodaritdon tontaníon-Nea bo tagúon kon tampatnea, táe bayongan pangkoinea in tubáan-Nea kon bonu in tuḷu inta diá mopio-piong!”

LUKAS 3:17 Referans Kwoze

MATIUS 13:30

Pomayá mako in kobiagannea modapot in wakutu porataban. Sin kon wakutu in porataban pogumankudon kon intau mita inta mororatab: Tokosipundon muna in padang mita tatua bo bogot kon pangkoinea mita, sin tubáan. Onda intua sipundon in gandum mita, tatua kon ontagku.’ ”

MIKHA 4:12

Táe bangusa mita tatua in diábí nonotaau kon onu inta sinomayá i Tuhan. Diábí kinotaauan monia kon mosia tua in sinipun-Neadon sin hukumon, notongkai in gandum sinipun sin ḻintogon.

YEREMIA 15:7

Kon batúan in kotá kon butá tanaa moiko in ḷumbúon-Ku naonda bo wawa. Umpakabí moiko in umat-Ku táe yopúon-Kubí in moiko takin ki adímu mita popisí in moiko doí momaḷui kon gogutúmu.

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

YESAYA 30:24

Sapi koḷakian bo keledai inta pinaké nomajeko kon gobámu in mokaanbí kon kaanon in bobiagon inta totok in mopia inta ain sinadia tontaní.

LUKAS 3:18

Norupa-rupamai in tonggina i Yohanes kon wakutu in sia nopoyaput in Habar Mopia.