LUKAS 3:12 - Alkitab Singog In Mongondow Masa In Tanaa

¹² Wakutu intua oyúon doman in intau mita inta mononagi kon pajak in namangoi nokibaptis kon i Yohanes. Mosia in noḻibó, “Pak guru, onu in musti aidan nami?”

LUKAS 3:12 Referans Kwoze

LUKAS 7:29

Komintan intau inta kon tua nokodongog kon onu inta siningog i Yesus tatua, intau doman inta mononagi kon pajak; mosia tua inta ain dinumudui kon onu in pinarenta i Allah bo inta ain binaptis i Yohanes.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”

MATIUS 5:46

Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

LUKAS 3:10

Dá intau moantó kon tua in noḻibó kon inia nanaa, “Aka natua yo onu in musti aidan nami?”

LUKAS 3:13

Tubagnea kon i monia, “Donaai monagi moiḻiu kon onu inta ain sinantú kon i monimu.”

OUMAN IN RASUL MITA 2:37

Naonda in mosia nokodongog kon singog i Petrus tatua noḻiai in gina monia. Bo noḻibó in mosia kon i Petrus bo kon rasul mita ibanea, “Utat mita onu degá in musti pomiaan nami?”