LUKAS 24:52 - Alkitab Singog In Mongondow Masa In Tanaa

⁵² Baḷú in mosia sinumungkud bo nosumba kon i-Nia. Onda intua nobuidon mosia kon Yerusalem takin sanang gina,

LUKAS 24:52 Referans Kwoze

MATIUS 28:9

Bo ki Yesus in noyodungkuḷ monia bo noguman, “Salam kon inimu!” Dinimiug in mosia kon i-Nia bo ginumakap kon sioḷ-Nea bo nosumba doman kon i-Nia.

YOHANES 16:22

Natuabí doman in moiko: Tanaa mako mosusapabí in gina monimu, táe buipabí in Akuoi moyodungkuḷ monimu, dá moḷunganga in gina monimu; bo diábí tobatúmai intau in motaau mogamá kon ḷunganga in ginamu tatua.

MAZMUR 30:11

Indongogaipa, o Tuhan, bo kotabipa in akuoi. Tuhan tuḷungaipa kaasí in akuoi!”

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

YOHANES 20:28

Ki Tomas in noguman kon i Yesus, “Tuhanku bo Allahku!”

YOHANES 14:28

Dinongog bidon monimu in Akuoi in noguman, ‘Akuoi in mayábí, táe buibí in Akuoi mamangoi kon inimu.’ Aka moiko in motabi kon i-Nakó, yo mosanangbí in gina monimu in Akuoi in mayá kon i Amá, sin ki Amábí in moḷobe-ḷoben nongkon i-Nakó.

MATIUS 28:17

Naonda in inontong monia, sinumba monia in Sia, táe oyúon in topiḻik diá mopirisaya.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

LUKAS 24:51

Koyogotpa in Sia nomarakat, indoianmai yo noibingkatdon in Sia minayá in soroga, bo noitondídon in Sia kon i monia.

LUKAS 24:53

bo umuran modayow kon i Allah kon Baḷoi Tuhan.

OUMAN IN RASUL MITA 1:12

Onda intua rasul mita tatua in nobuidon kon Yerusalem sin mosia in nongkon buḷud in Zaitun. Buḷud tatua degá toribumai nometer in koyayúnea nongkon Yerusalem.