LUKAS 24:24 - Alkitab Singog In Mongondow Masa In Tanaa

²⁴ Tongonumai in yobayat nami in minayá in poḷoḷobongan bo nouḻí magí onu inta ain inouman in bobay mita tatua in naanta totuubí mita, tongá mosia in diá nokoontong kon i Yesus.”

LUKAS 24:24 Referans Kwoze

LUKAS 24:12

Táe umpaka natua, ki Petrus in bango-bangon bo noribatuk minayá noindoi kon poḷoḷobongan tatua. Naonda in sia iḷumongow monag kon bonu in poḷoḷobongan tatua, dongkadon pusi inta pinobakut kon i Yesus in inontongnea. Ki Petrus in noherang totok bo nobui sindaḷan morai kon soaḷ onu inta ain nobaḻí.

MATIUS 2:7

Bo inumado-adop mako ki Herodes nogoiní kon intau mita in Mayusi tatua bo noḻibó kon i monia kinotaḻit mongo kon dodai in onda in tundi tatua inontong.

LUKAS 24:23

táe noiyaputmai diádon inontong monia in mayat-Nea kon tua. Bo nobui in mosia bo noguman kon nokoontong kon malaekat mita kon poḷoḷobongan tatua. Malaekat mita tatua in noguman kon ki Yesus in buidon nobiag kon sigad in intau minatoi.

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!