LUKAS 23:56 - Alkitab Singog In Mongondow Masa In Tanaa

⁵⁶ Onda intua, nobui in mosia bo nosadia kon toyokayu mita inta biasamai pakéon pomondu kon mayat. Mosia in nosadia doman kon ḷana mobondu sin poḷana kon mayat i Yesus. Kon singgai in Sabat mosia in nogogai nogaid podudui in hukum agama.

LUKAS 23:56 Referans Kwoze

LUKAS 24:1

Táe kon singgai in Diminggu modiugpa mobayag, bobay mita tatua minayá in poḷoḷobongan bo nodia kon toyokayu mita inta aindon sinadia monia.

MARKUS 16:1

Naonda in noitaḻibdon in singgai in Sabat, ki Maria Magdalena, ki Maria ki iná i Yakobus bo i Salome minayá notaḷui kon toyokayu mita sin poḷana kon mayat i Yesus.

ULANGAN 5:14

táe singgai noginpitu tua in singgai pogogaian inta tondíondon kon i-Nakó, ki Tuhan Allahmu. Kon singgai tatua diábí motaau in tobatúmai intau in mogaid, pinomayá moiko, adímu mita, bobantungmu mita, bobiagonmu ande intau ango-angoi inta nogutun kon butámu. Bobantungmu mita in musti mogogai ná doman moiko.

IḶUAIAN 31:14

Singgai pogogaian tatua musti horomaton monimu mobaḻí singgai inta motusi. Moiko inogoian-Kudon in onom nosinggai sin pogaidan monimu, táe singgai noginpitu in singgai moḷoben inta nobaḻí singgai-Ku. Ki ine in diá mohoromat kon singgai tatua, táe umuran doman mogaid in kon singgai tatua yo musti hukumon matoi.

TAWARIKH 2 16:14

Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.