LUKAS 23:36 - Alkitab Singog In Mongondow Masa In Tanaa

³⁶ Tontara mita in namangoi doman bo moporupa-rupamai kon i-Nia. Inogoian monia in anggur noboil in Sia, poḷat noguman,

LUKAS 23:36 Referans Kwoze

MAZMUR 69:21

Singkuḻe mita ain nokoinggamá kon ibog in ginaku, bo diádon in kamangku. Sinayakku in totabian, táe diá in mangaḻenea, notayak in akuoi kon poḻipoi, táe diá nokouḻí.

MATIUS 27:48

Bo namangoi in tobatú nongkon i monia tua, bo nogamá kon bungang karang bo pinoḷodok kon anggur boil bo pinopoturak kon aog bo pinopodiug kon bibig i Yesus.

MARKUS 15:36

Dá tobatú intau kon sigad monia tua iḻimikat minayá nogamá kon gabus bo pinoḷodok kon anggur boil. Gabus tatua pinoturaknea kon kayu topongkó, bo sinonggó pinodiug kon bibig i Yesus, poḷat noguman, “Oḷatdon mongo moiangoi in ki Elia bo mopoponag kon i-Nia kon kayu pinoyotaḻempang tatua.”

MATIUS 27:34

Kon tua Sia pinoinum monia in anggur inta binaukan in ompodu. Naonda in kinonanaman-Nea, doídon in Sia nonginum.

LUKAS 23:11

Ki Herodes bo tontaranea mita nopoyambá bo noningkuḻe kon i Yesus. Pinopopakéan monia in ḷambung Datu in Sia, onda intua pinoki dia bui monia minayá kon i Pilatus.