LUKAS 22:70 - Alkitab Singog In Mongondow Masa In Tanaa

⁷⁰ Dá mosia komintan in noḻibó nanaa, “Aka natua, yo Iko naa in ki Adí i Allah?” Ki Yesus in notubag, “Moiko bidon tontaní in noguman kon Akuoi naa ki Adí i Allah.”

LUKAS 22:70 Referans Kwoze

LUKAS 23:3

Dá ki Pilatus in noḻibó kon i Yesus, “Degá totuu kon Iko in Datu in intau Yahudi?” Tubag i Yesus, “Ikodon tontaní in noguman.”

MARKUS 15:2

Ki Pilatus in noḻibó kon i Yesus, “Totuu degá kon Iko nion Datu Intau in Yahudi?” Ki Yesus in notubag, “Natua in gumanmu.”

MATIUS 27:11

Wakutu in ki Yesus dinia kon tayowon i gubernur. Ki gubernur noḻibó kon i-Nia, “Degá Iko Datu intau Yahudi?” Ki Yesus notubag, “Ikodon tontaní in noguman kon tua.”

MATIUS 26:64

Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”

YOHANES 19:7

Intau mita in Yahudi tatua in noguman, “Podudui in hukum nami, Sia in musti hukumon matoi sin Sia in nongaku ki Adí i Allah.”

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

YOHANES 10:36

Yo nongonu sin singogonbí monimu kon Akuoi in mohojat kon i Allah popisí in Akuoi noguman kon Akuoi in ki Adí i Allah? Bokaka Akuoi in piniḻíbí i Amá bo pinotabá namangoi in dunia.

YOHANES 10:30

Akuoi bo ki Amá in tobatúbí.”

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 1:34

Bo inontongkudon tontaní intua,” guman i Yohanes, “Bo potaaukudon kon i monimu kon Siabí tua in ki Adí i Allah.”

LUKAS 4:41

Dimukudpa mita moraat in iḷumuai nongkon moantó intau, sindaḷan kumarak bo moguman, “Iko nion in ki Adí i Allah!” Táe totok in sinorúan i Yesus in mosia bo diá inogoi mosingog sin kotaauandon monia kon Sia tua in Datu Mopoposaḷamat.

MARKUS 14:62

Tubag i Yesus, “Akuoi in Sia tua, bo moiko komintan in mokoontongbí kon i Adí Intau ḻimitú kon dotá in koḷanan i Allah Inta Totok in mokawasa bo mamangoi mongin goḷom kon ḷangit!”

MATIUS 27:54

Itoi in tontara takin prajurit-Nea inta noḷukad kon i Yesus noondokdon totok naonda in nokoontong kon ḻinug bo onu inta aindon nobaḻí tatua, bo mosia nosingog, “Totuubí, kon Sia naa in ki Adíbí i Allah!”

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

MATIUS 4:3

Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

MATIUS 26:25

Ki Yudas inta moposarakan kon i-Nia tua in noguman doman, “Deemanbí akuoi naa Guru?” Ki Yesus in noguman kon inia, “Natua kain singogmu.”

LUKAS 22:71

Dá nosingog in mosia komintan, “Diá bidon paraḷu in kita motayak kon sakusi ibanea, sin dinongogdon naton tontaní onu in pinoguman-Nea!”