LUKAS 22:39 - Alkitab Singog In Mongondow Masa In Tanaa

³⁹ Ki Yesus in iḷumuai kon kotá bo minayá in tampat inta biasamai bayáan-Nea kon buḷud in Zaitun. Murí-Nea mita minayá doman takin-Nea.

LUKAS 22:39 Referans Kwoze

LUKAS 21:37

Aka singgai, ki Yesus in mobogoi in totundú kon bonu in Baḷoi Pososambayangan, táe aka doḷom yo sia in mayá in Buḷud Zaitun mogutun kon tua.

MATIUS 21:1

Naonda in ki Yesus bo murí-Nea mita nodiugdon kon Yerusalem bo noidapotdon in tampat inta sinangoi Betpage kon buḷud in Zaitun. Ki Yesus in nopotabá kon murí-Nea doyowa.

MARKUS 14:26

Noiduduimai kon tua mosia nopodondong in tobatú dondong dodayow. Nopaḷut mako kon tua mosia minayádon in Buḷud Zaitun.

MARKUS 13:3

Noiduduimai kon tua ki Yesus minayá in Buḷud in Zaitun bo iḻimitú kon tampat inta noyogintayow in Baḷoi Tuhan. Ki Petrus, ki Yakobus, ki Yohanes bo ki Andreas namangoi kon i-Nia sin nongonguman takin-Nea.

MARKUS 11:19

Naonda in noungkoḷomdon, ki Yesus bo murí-Nea mita iḷumuaidon kon kotá tatua.

MARKUS 11:11

Noiyaputmai kon Yerusalem sinumuot in ki Yesus kon Baḷoi i Allah. Kon tua Sia nonarukira kon bayongan yagi-yagi. Táe popisí in noungkoḷomdon dá sia takin murí-Nea mopuḷú bodoyowá minayádon in Betania.

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.