LUKAS 22:3 - Alkitab Singog In Mongondow Masa In Tanaa

³ Onda intua Ibilis ginumonú kon i Yudas inta dinonoi ki Iskariot, tobatú murí i Yesus inta kon sigad nayamopuḷú bodoyowá.

LUKAS 22:3 Referans Kwoze

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

OUMAN IN RASUL MITA 5:3

Dá ki Petrus in noḻibó kon inia, “Ananias nongonu sin pomayámubí mako in Ibilis mongawasa kon ginamu, modapot in iko monguboḷ kon Roho i Allah, takin umuni-uni mako motagú kon boḻi in butá ibanea sin pakéonmu tontaní?

LUKAS 22:21

“Táe indoiai! Intau inta momaḻidawan kon i-Nakó in naadon koyota-yotakin-Ku!

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

LUKAS 6:16

ki Yudas inta ki adí i Yakobus bo ki Yudas Iskariot inta nomaḻidawan kon i Yesus.

MATIUS 26:23

Ki Yesus noguman, “Sia inta noyododai-Ku nopoḷodok in roti kon bonu in palo tanaa, sia tua inta moposarakan kon i-Nakó.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MATIUS 10:4

ki Simon intau in Zelot bo ki Yudas Iskariot inta nomaḻidawan kon i Yesus.