LUKAS 22:29 - Alkitab Singog In Mongondow Masa In Tanaa

²⁹ Ná ki Amá ain nobogoi kon i-Nakó in hak momarenta, dá Akuoi in mobogoi in hak tatua kon i monimu.

LUKAS 22:29 Referans Kwoze

TIMOTIUS 2 2:12

Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

MATIUS 24:47

Poguman-Ku kon inimu, simpaḷ natua in baḻíonbí i tuangnea moḷoḷukad kon bayongan kapunyaannea.

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

LUKAS 19:17

Dá ki tuang tatua in notubag, ‘Mopia intua, iko in bobantung inta mopia! Sin iko motaau pirisayaan kon oaidan inta mointok. Tuamai in baḻíonkudon iko pongawasa kon mopuḷú in kotá.’

PETRUS 1 5:4

Sahingga in kon wakutu Gombala inta momulia mamangoi bui, moiko in motarima kon tombuinag moḷoben inta diá mogogu-goguyaat.

KORINTUS 1 9:25

Pomuḷoi intau inta mobasadia tumakin kon poyotandingan, musti monahang kon yagi-yagi, sinbá mokouḻí kon tombuinag inta diá mononoi kon dunia naa, táe kita in monahang kon yagi-yagi sinbá mokouḻí kon tombuinag inta mononoi.

KORINTUS 2 1:7

Kami in tantúbí moyakin bo diábí moḻia-ḻiaw in gina nami kon i monimu, sin kinotaauan bidon nami kon moiko nion in moibogbí moyoyiga takin nami. Manangka intua moiko in iyigonan doman takin nami.

WAHYU 21:14

Dinding in kotá tatua in pinosindog kon tudu in batu mopuḷú bodoyowá. Bo batu mita tatua in sinoko paisan tangoi in rasul mopuḷú bodoyowá. Mosia tua in rasul mita i Adí in Domba tatua.

MATIUS 5:3

“Pia in kamang in intau inta nobogá kon tayowon i Allah, sin mosia tua inta mobaḻí umat i Allah.

MATIUS 5:10

Pia in kamang in intau inta pinogutú lantaran mogaid kon inta kinoibog i Allah; sin mosia doman tua inta moyotakin i Allah!

MATIUS 25:21

Bo ki tuangnea tatua in noguman kon i nia, ‘Tua in nopia, iko in simpaḷku inta mopia bo mojujur; iko aindon nogaid kon oaidan inta mointok inta pinoki aid kon inimu, manangka intua iko in ogoiankudon in tanggung jawab mogaid kon oaidan moḷoben. Angoidon bo duduidon mobarasanang takinku!’