LUKAS 22:18 - Alkitab Singog In Mongondow Masa In Tanaa

¹⁸ sinbá kotaauandon monimu: pinangkoidon kon tanaa mako, Akuoi in diá bidon bui monginum kon anggur tanaa modapot in ki Allah mamangoidon momarenta saḷaku Datu.”

LUKAS 22:18 Referans Kwoze

MATIUS 26:29

Táe poguman-Ku kon i monimu: Mulai tanaa mako Akuoi in diá bidon monginum bui kon bungai in anggur tanaa modapot kon singgai Akuoi monginum kon anggur mobagu moyotakin monimu kon bonu in dunia mobagu i Amá-Ku.”

LUKAS 22:16

Sin muna-Kudon poguman kon i monimu: Akuoi in diá bidon mokaan bui kon kaanon tanaa modapot intua komintan poponiatadon i Allah kon dunia naa.”

MARKUS 14:25

Popirisayabí: Akuoi in diá bidon monginum bui kon anggur tanaa modapot kon wakutu in akuoi monginum kon anggur mobagu moyotakin monimu kon dunia mobagu i Amá-Ku.”

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

LUKAS 21:31

Natua doman, aka moiko bo mokoontongdon kon kobaḻían intua komintan, dá kotaauan bidon monimu kon ki Allah in ḷagi bidon momarenta saḷaku Datu.

LUKAS 9:27

Bá kotaauan monimu in naa: kon sigad monimu tanaa oyúon in diápabí matoi aka sia in diápa mokoontong kon i Allah mamangoi momarenta saḷaku Datu.”

MARKUS 15:23

Bo inogoian monia in anggur inta binaukan in taḷong mobondu, táe doí in Sia nonginum.

MARKUS 14:23

Nopaḷut mako kon tua Sia nogamá kon palo inta pinobonuan kon anggur. Ki Yesus nosambayang, nopoyaput in sukur kon i Allah, bodongka nobogoi in palo tatua kon murí-Nea mita. Onda intua mosia komintan nonginum kon anggur tatua.

MARKUS 9:1

Guman i Yesus kon i monia, “Pokotaaudon! Kon sigad monimu inta kon naa, oyúon in diápabí matoi aka diápa mokoontong kon i Allah momarenta takin kawasa-Nea!”

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

ZAKHARIA 9:15

Umat-Nea in notantú bidon kon ḷukadan-Nea, dá bayongan in musung modait taḷowon monia. Naonda bo kokow in intau inta noḷoḷangu in oinumon, natuata in kokow monia kon in parang. Naonda bo dugú in kuruban inta pinoburé kon tudu in mezbah, natuata in dugú in musung moibutak.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

HAKIM MITA 9:13

Táe pangkoi in anggur in notubag, ‘Umpaka dá akuoi in mustibí mogogai mopomungai in anggur inta mokosanang kon gina in dewa mita bo intau, sin tongábí popisí in mobaḻí datumu!’