LUKAS 22:13 - Alkitab Singog In Mongondow Masa In Tanaa

¹³ Onda intua minayádon in ki Petrus bo ki Yohanes. Kinobayáanmai monia komintanbí notongkai ná inta ain pinoguman i Yesus. Bo sinadiadon monia kon tua in pongaanan monia kon singgai in Paska.

LUKAS 22:13 Referans Kwoze

LUKAS 21:33

Ḷangit bo butá in diábí mononoi, táe singog-Ku in mononoibí.”

LUKAS 19:32

Bo minayádon murí-Nea doyowa tatua, bo onu in kinobayáan monia tua in totuubí kon ná inta pinoguman-Nea.

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

YOHANES 2:5

Táe ki iná i Yesus in noguman kon simpaḷ mita kon pinonikaan tatua: “Aidaidon in onu in pokiaid-Nea kon i monimu.”

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

LUKAS 22:12

Yo tundúonbí i togi baḷoi tatua kon i namunda in tobatú yuang moḷoben kon ḻimonik. Kon tua aindon notouḷutdon in pakakatnea mita, dá sadiadon kon tua.”

LUKAS 22:14

Naonda in wakutuneadon mongaan, ki Yesus in iḻimitú noyotakin in murí-Nea mita kon meja pongaanan.