LUKAS 21:31 - Alkitab Singog In Mongondow Masa In Tanaa

³¹ Natua doman, aka moiko bo mokoontongdon kon kobaḻían intua komintan, dá kotaauan bidon monimu kon ki Allah in ḷagi bidon momarenta saḷaku Datu.

LUKAS 21:31 Referans Kwoze

YAKOBUS 5:9

Donaai umuran mongunsingog bo mosipotaḷáan, sinbá moiko in diá hukumon i Allah. Torop! Hakim in nodiugdon, nobasadiadon mamangoi.

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

LUKAS 21:32

Pokotaaudon in moiko! Soaḷ mita tatua in mobaḻíbí kon wakutu intau mita inta nobiag masa in naa, diápa modait matoi.