LUKAS 21:21 - Alkitab Singog In Mongondow Masa In Tanaa

²¹ Kon wakutu intua, intau mita inta kon Yudea musti moḷagui mayá in buḷud, bo intau mita inta kon kotá musti momamping andeka musti monaḷámai kon kotá tatua, bo intau kon ḻipú in dikabí mamangoi in kotá.

LUKAS 21:21 Referans Kwoze

YEREMIA 6:1

Bayádon poḷagui, ei intau mita in Benyamin! Taḷaaidon in Yerusalem! Irupdon in torompet kon Tekoa, bo poyongkitdon in tuḷú tomponuot kon Bet-Kerem! Bodito bo roriga moḷoben in mongindoyó nongkon utuan.

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!

MARKUS 13:15

Intau inta kon atop in baḷoi dikadon moponag bo tumuot kon baḷoi sin mogamá kon onukadon.

MATIUS 24:16

Kon dodai intua intau mita inta kon Yudea in mustibí moḷagui mopobayá in buḷud.

YEREMIA 35:11

Táe naonda in ki Datu Nebukadnezar nonubu kon butá tanaa, kami in nonantúdon kon moḷagui nongkon tontara in Babel bo tontara in Siria, bo noḷagui minayá in Yerusalem. Tuamai in nogutun kon naa in kami.”

AMSAL 22:3

Intau mobijaksana momarut aka mokoontong mako kon bodito; intau bodok mayá turus bo koantugan in roriga.

PINOGIAPAN 16:26

Ki Musa noguman kon intau mita in Israel, “Ḷuaidon nongkon ḷoḷaigan in intau mita inta moraat tanaa bo dika doman moḻiai kon kapunyaan monia. Aka moiko doí dumudui, yo moiko in yopúon poyotakinon monia popisí in dosa mita monia.”

KINOBAḺIAN 19:26

Táe ki buḷoi Lot in nobobuibí ná tumi, dá sia in nobaḷui nobaḻí oigi simuton.

KINOBAḺIAN 19:17

Naonda intua tobatú nongkon malaekat tatua in noguman, “Poḷaguidon, posaḷamatdon in nyawamu! Donaai mobobui kon tumi bo donaai mogogai kon ḷopá. Poḷaguidon bayá in buḷud, sinbá diá matoi in moiko!”

YEREMIA 37:12

Dá akuoi in nonaḷámaidon kon Yerusalem bo minayá in butá in Benyamin sin motarima kon posilaian kon tonsilaiku in butá kapunyaan in motoḷuadíku.

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.