LUKAS 20:44 - Alkitab Singog In Mongondow Masa In Tanaa

⁴⁴ Dá aka ki Daud tontaní monangoi kon i-Nia ki Tuangnea, yo naondabí kon Sia tua in tangoionbí buí i Daud?”

LUKAS 20:44 Referans Kwoze

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

LUKAS 20:43

modapot in saturumu mita baḻíon-Ku tumungkud kon ini-Mu.’

LUKAS 20:45

Koyogotpa intau mita mokidongogmai kon i-Nia, ki Yesus in nongonguman doman kon murí-Nea mita nanaa,