LUKAS 20:37 - Alkitab Singog In Mongondow Masa In Tanaa

³⁷ Ki Musa tontaní aindon noguman kon intau minatoi in totu-totuubí kon biagon bui. Tua in pinaisnea kon Buk Motusi inta nongonguman kon onu in inontongnea kon yua-yuak in díat. Kon tua in ki Tuhan sinangoinea, ‘Ki Allah i Abraham, i Ishak bo i Yakub.’

LUKAS 20:37 Referans Kwoze

ULANGAN 33:16

Igumon mako butánea in mopuḻing in bayongan in inta totok mopia, bo barakatan in kopopia i Tuhan inta nosingog nongkon ḻimbuyun inta nodokot. Igumon mako barakat tatua in moponag kon buí i Yusup, sin sia tua inta nobaḻí itoi kon sigad i utatnea mita.

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

KINOBAḺIAN 32:9

Onda intua ki Yakub in nosambayang, “O Allah, inta sinumba i akiku ki Abraham, bo i amáku ki Ishak, indongogaipa in akuoi! Ki Tuhan ain nopotabá kon inakó mobui kon butáku bo kon ginaḷumku. Bo ki Tuhan nodandi kon monompia kon inakó.

KINOBAḺIAN 28:21

modapot in akuoi in mobuidon mangoi kon baḷoi amáku takin mosaḷamat, dá ki Tuhan in mobaḻí ki Allahku.

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.