LUKAS 20:1 - Alkitab Singog In Mongondow Masa In Tanaa

¹ Kon singgai tobatú, ki Yesus yogot in motundú bo mopoyaput in Habar Mopia nongkon i Allah kon intau mita inta kon bonu in Baḷoi Tuhan. Imang mita itoi, mototundú mita kon agama, bo itoi mita intau Yahudi in namangoi,

LUKAS 20:1 Referans Kwoze

OUMAN IN RASUL MITA 6:12

Tuata in pinoki guman monia kon intau moantó bo itoi mita in Yahudi takin mototundú mita kon agama. Dá dinomok monia in ki Stepanus bo dinia pinotayow kon sidang Pongadilan Agama.

OUMAN IN RASUL MITA 4:1

Kon wakutu in ki Petrus bo ki Yohanes koyogotpa in nongonguman takin in intau moantó kon tua, indoianmai yo imang mita itoi bo itoi in moḷoḷukad kon Baḷoi Tuhan takin intau mita in Saduki namangoidon kon i monia kon tua.

YOHANES 18:20

Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog.

LUKAS 8:1

Diá noonggot kon tua ki Yesus minaya-mayá mako in kotá-kotáannea bo ḻipu-ḻipúannea, bo mopoyaput in Habar Mopia kon soaḷ naonda in ki Allah mamangoi momarenta saḷaku Datu. Rasul-Nea inta mopuḷú bodoyowá kotaki-takin-Nea doman.

MATIUS 26:55

Wakutu intua ki Yesus nosingog kon intau moantó inta namangoi nodomok kon i-Nia, “Irai monimu degá Akuoi naa mononakowbí sahingga in moiko mamangoi kodia-dia in pitow bo bobobak bo modomok kon i-Nakó? Pomuḷoi in singgai Akuoi in ḻimitú mako kon Baḷoi Tuhan, bo motundú kon tua táe diábí dinomok monimu!

LUKAS 20:2

bo noguman kon i Yesus nanaa, “Pogumanka kon inami mongo kawasa i ine in pinaké-Mu mogaid kon tua mita, bo ki ine in nobogoi in kawasa tatua kon ini-Mu?”