LUKAS 2:47 - Alkitab Singog In Mongondow Masa In Tanaa

⁴⁷ Komintan intau inta mokodongog in mongoherang sin totok mopandoi in Sia motubag kon onu in ḻibóon.

LUKAS 2:47 Referans Kwoze

MATIUS 7:28

Bo naonda in ki Yesus nonimpod kon singog-Nea tatua, nongoherang in intau nobarong kon tua in nokodongog kon pototundú-Nea.

LUKAS 4:32

Pototundú-Nea mokosanang totok kon gina monia, sin mokobangkaḷ totok onu in singogon-Nea.

MAZMUR 119:99

Komomangaḻeku in noiḻiu kon komomangaḻe in guruku mita, popisí in akuoi umuran monano-nanobmai kon parenta-Mu mita.

YOHANES 7:15

Itoi mita in Yahudi totok in noherang bo noguman, “Naondabí in kinototaau-Nea kon soaḷ mita tatua, bokaka diábí kon dodai onda in Sia nosikoḷa?”

MARKUS 1:22

Intau mita inta nokodongog noherang bo moibog kon pototundú-Nea. Sin pototundú-Nea in mokobangkaḷ, deeman ná pototundú in guru mita in agama.

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

MATIUS 13:54

Noiyaputmai in ḻipú-Nea. Sia minayá notundú kon intau mita kon tua kon bonu in baḷoi pososambayangan monia, intau mita nongoherang in nokoontong kon inta pinomia-Nea. Sahingga mosia in noḻibó nanaa, “Degá nouḻí-Nea kon onda in hikmat ná tatua? Bo nouḻí-Nea kon onda in kawasa inta pinogaid-Nea kon mokoherang mita tatua?

MATIUS 22:33

Intau moantó inta nokodongog kon tua in noibog totok kon onu inta sinundú-Nea.

MARKUS 6:2

Kon singgai in Sabat Sia in nomangkoidon nobogoi in topotundú kon bonu in baḷoi pososambayangan. Nobayong intau kon tua. Kon dodai in mosia nokodongog kon totundú-Nea tua, noherang totok in mosia. Mosia in noguman, “Kon onda in kinouḻían intau tanaa kon bayongan tua? Kabijaksanaan naonda in kon i-Nia nion? Naondabí sin motaaubí in Sia mogaid kon inta mokoherang?

MARKUS 11:18

Singog-Nea tatua dinongog in imang mita itoi bo mototundú mita kon agama in Yahudi. Dá nomangkoidon in mosia motayak kon naonda in poḷoḻimod kon i Yesus. Mosia in moondok kon i-Nia sin bayongan intau mopia in gina mokodongog kon totundú-Nea.

LUKAS 2:46

Naonda in toḷudon nosinggai in pinotayakan monia, indoianmai monia yo kon bonubí in Baḷoi Tuhan in Sia. Sia ḻimitú mako kon yua-yuak in mototundú mita kon agama bo mokidongog mako kon potundúan monia bo poḷat doman in Sia mopoḻibó-ḻibó kon i monia.

LUKAS 2:18

Bo intau mita inta nokodongog kon ouman in gombala mita tatua nongoherang.