LUKAS 19:4 - Alkitab Singog In Mongondow Masa In Tanaa

⁴ Dá noribatuk in sia inumuna kon intau mita tatua bo noponik kon pangkoi in kayu ara sinbá mokoontong kon i Yesus inta motoyongdon moitaḻib kon tua.

LUKAS 19:4 Referans Kwoze

YESAYA 9:10

Ki Tuhan ain nopotabá kon musung monia sin monayow kon i monia.

LUKAS 5:19

Táe popisí in intau mobarong totok in kon tua, dá diá kinopotuotan monia in sia. Tuamai in dinia monia in sia pinoponik kon tudu atop in baḷoi. Bodongka iḷokatan monia in atop in baḷoi tatua bo sinuntun monia monag takin in tosiugannea noitongkaná doman kon tayowonmai i Yesus inta kon yua-yuak in intau mobarong tatua.

DATU MITA IMITÁNEA 10:27

Kon bonu in pinomarentaan i Salomo, saḷaka in nobaḻíbí pakakat inta biasamai tongádon naonda bo batu, bo kayu ḷokuyú in mobarong doman totok naonda bo kayu ara biasa.

AMOS 7:14

Ki Amos in notubag, “Akuoi in deemanbí nabi popisí in ḷoḻitúan. Sabanarnea in akuoi naa in mononombobiagonbí bo mososipú kon bungai in ara.

MAZMUR 78:47

Sia in nomoguyaat kon pangkoi in anggur monia pinongin uyan batu, bo pangkoi mita in ara monia pinoguyaat in oḷú inta nongokompoḷ.

TAWARIKH 2 1:15

Kon dodai in ki Salomo nomarenta, buḷawan bo saḷaka in nobaḻídon pakakat biasa kon Yerusalem, nádon onda bo batu; bo kayu ḷokuyú in Libanon nobayongdon totok nádon onda bo kayu ara biasa.

TAWARIKH 2 9:27

Kon bonu in pinomarentaan i Salomo, saḷaka in inanggap bidon pakakat biasa kon Yerusalem, notongkaidon ná batu, bo kayu ḷokuyú in Libanon nobayongdon totok nádon kayu ara biasa.

LUKAS 17:6

Tubag i Tuhan, “Aka oyúon in pirisaya monimu tongákabí ná koḷoben in batoḷ in sesawi, yo moiko in motaaubí moguman kon pangkoi in kayu inta moḷoben tatua, ‘Korabutdon in iko bo kobiagdon kon bonu in dagat,’ dá pangkoi in kayu tatua in dumuduibí doman kon singogmu.”

LUKAS 19:3

Sia moibog totok moindoi mongo ki ine in ki Yesus tua, táe popisí in intau modamaḷ totok dá diá mokoontong in sia, apapa doman sia in noompá.

LUKAS 19:5

Naonda in ki Yesus noiyaput kon pangkoi in kayu tatua, iḷumangag in Sia bo noguman, “Zakheus, ḷagidon poponag! Sin Akuoi in musti mongandup kon baḷoimu in singgai naa!”