LUKAS 19:29 - Alkitab Singog In Mongondow Masa In Tanaa

²⁹ Naonda in nodiugdon kon Betpage bo Betania kon Buḷud in Zaitun, Sia in nopotabá kon murí-Nea doyowa mayá umuna takin koyow nanaa,

LUKAS 19:29 Referans Kwoze

MATIUS 21:17

Bo sinaḷaan-Neamai in mosia poḷat iḷumuai nongkon kotá tatua bo minayá in Betania nosiug kon tua.

OUMAN IN RASUL MITA 1:12

Onda intua rasul mita tatua in nobuidon kon Yerusalem sin mosia in nongkon buḷud in Zaitun. Buḷud tatua degá toribumai nometer in koyayúnea nongkon Yerusalem.

ZAKHARIA 14:4

Kon singgai tatua Sia in simindogdon kon Tombuḷud in Zaitun, kon dotá in pomukaan nongkon Yerusalem. Dá Tombuḷud in Zaitun in kobotakan in ḷopá inta mobendar, pinangkoi kon pomukaan modapot in toyopan. Tongobotak in tombuḷud tatua in mopobayá ná utuan, bo tongobotak doman in mopobayá in toḷatan.

LUKAS 24:50

Nopaḷut mako kon tua, ki Yesus nodia kon i monia minayá iḷumuai kon kotá nodapot in Betania. Kon tua Sia nobingkat kon ḻima-Nea bo nomarakat kon i monia.

LUKAS 22:39

Ki Yesus in iḷumuai kon kotá bo minayá in tampat inta biasamai bayáan-Nea kon buḷud in Zaitun. Murí-Nea mita minayá doman takin-Nea.

LUKAS 21:37

Aka singgai, ki Yesus in mobogoi in totundú kon bonu in Baḷoi Pososambayangan, táe aka doḷom yo sia in mayá in Buḷud Zaitun mogutun kon tua.

LUKAS 19:37

Naonda in ki Yesus nodiugdon kon Yerusalem, kon daḷan inta mosiḻig kon Buḷud in Zaitun, komintan dumodudui-Nea inta mobarong tua, kopiadon momaḷú modayow kon i Allah bo mopoyaput in singog sukur kon i-Nia, sin mosia aindon nokoontong kon inta mokoherang inaidan-Nea.

LUKAS 19:30

“Bayádon kon ḻipú inta kon tayowonmai nion, bo aka moiko bo tumuotdon kon ḻipú tatua, yo moiko in mokoontong kon ki adí in keledai tobatú inta kotogo-togot. Keledai tatua in diápa kon dodai in onda sinakoian in intau. Dá bukádon in keledai tatua bo dia mangoi.