LUKAS 18:34 - Alkitab Singog In Mongondow Masa In Tanaa

³⁴ Singog i Yesus tatua, diábí kinomangaḻean in murí-Nea mita tatua. Mangaḻe in singog mita tatua in sinokobunibí kon i monia. Dá diábí kinotaauan monia mongo onu in inouman-Nea tatua.

LUKAS 18:34 Referans Kwoze

LUKAS 9:45

Tongá diá kinomangaḻean in murí-Nea mita in singog-Nea tatua. Sin tua in sinontuonbí binuni kon i monia sinbá diá komangaḻean monia. Bo mosia in moondok doman in moḻibó kon i-Nia.

MARKUS 9:32

Diá kinomangaḻean in murí-Nea mita in makusud in singog i Yesus tatua, táe moondok mosia in moḻibó kon i-Nia.

YOHANES 12:16

Dodai intua diápa nodait kinomangaḻean in murí mita i Yesus intua. Táe naonda in ki Yesus pinomulia, bain tua bo kinotoropan monia in onu inta ain pinomia in intau mita kon i Yesus, ain bidon pinais kon bonu in Buk Motusi.

YOHANES 10:6

Ki Yesus in nongonguman kon poumpamaan tatua, táe diá kinotaauan monia in makusud-Nea.

LUKAS 24:45

Onda intua ki Yesus nomukat kon raian monia sinbá komangaḻean monia in bayongan inta ain pinais kon Buk Motusi.

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

LUKAS 2:50

Táe diá kinomangaḻean monia in singog i Yesus tatua.

LUKAS 18:33

Pogutúon monia in Sia bo poḷat ḻimodon, táe kon singgai intoḷunea, Sia in mobiag bui.”