LUKAS 18:33 - Alkitab Singog In Mongondow Masa In Tanaa

³³ Pogutúon monia in Sia bo poḷat ḻimodon, táe kon singgai intoḷunea, Sia in mobiag bui.”

LUKAS 18:33 Referans Kwoze

LUKAS 24:7

kon ‘Adí Intau in musti posarakan kon intau mita baradosa, bo popopakú kon kayu pinoyotaḻempang, táe kon singgai intoḷunea Sia in mobiag bui.’ ”

LUKAS 24:21

Bokaka aindon i harap mako nami kon Siabí tua inta mamangoi bo moposaḷamat kon Israel. Singgai naa in singgaidon kon intoḷunea nongkon kinobaḻian intua komintan.

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

LUKAS 18:32

Sia in posarakandon kon intau mita inta diá nonotaau kon i Allah, poyambáon monia in sia, singkuḻeon bo duyáan monia.

LUKAS 18:34

Singog i Yesus tatua, diábí kinomangaḻean in murí-Nea mita tatua. Mangaḻe in singog mita tatua in sinokobunibí kon i monia. Dá diábí kinotaauan monia mongo onu in inouman-Nea tatua.