LUKAS 18:28 - Alkitab Singog In Mongondow Masa In Tanaa

²⁸ Dá ki Petrus in noguman, “Pak Guru, indoiaika in kami! Kami naa aindon nonaḷámai kon bayongan yagi-yagi kapunyaan nami bo dinumudui kon i Pak Guru, yo onu in mouḻí nami.”

LUKAS 18:28 Referans Kwoze

PILIPI 3:7

Tongá popisí in nopirisayadon kon i Kristus, dá onu in koḻipod inta inanggapku mobogoi in kauntungan kon inakó, tanaa mako inanggapkudon diá in mangaḻenea.

MARKUS 10:28

Bo ki Petrus in noguman, “Pak Guru, indoiaika kami aindon nonaḷámai kon bayongan yagi-yagi sin dinumudui kon i Pak Guru.”

MATIUS 19:27

Bo ki Petrus in noguman kon i Yesus, “Kami naa aindon nonaḷámai kon bayongan inta oyúon kon inami bo dinumudui kon ini-Mu. Yo onu degá in mouḻí nami?”

LUKAS 5:11

Dá ki Simon takin yobayatnea mita in nogugutdon kon uangga tatua pinobayá in toba, onda intua sinaḷaandon monia intua komintan bo dinumudui kon i Yesus.

MATIUS 9:9

Naonda in ki Yesus minayá nongkon tua, Sia nokoontong kon tobatú intau tangoinea in ki Matius inta iḻimitú mako kon kantor in pajak. Ki Yesus in noguman kon inia, “Duduidon kon i-Nakó.” Dá ki Matius in sinimindog doman bo dinumudui.

YOHANES 19:27

Noguman mako natua in ki Yesus kon i iná-Nea, Sia in noguman doman kon murí-Nea tatua, “Tua in ki inámu.” Bo kon dodaipa doman tatua dinia in murí tatua in ki iná i Yesus nogutun tobaḷoiannea.