LUKAS 18:21 - Alkitab Singog In Mongondow Masa In Tanaa

²¹ Dá kaín intau doman tatua, “Tua komintan aindon dinuduianku nongkon mongoadíanpamai.”

LUKAS 18:21 Referans Kwoze

PILIPI 3:6

Popisí in moḷoben totok in ibogku dumudui kon hukum in agama tatua, dá ḷongasionku pogutúon in jamaat. Aka nilaion podoyon kon hukum in agama Yahudi yo akuoi naa intaubí mopia bo motoindudui.

LUKAS 15:7

Bá poguman-Kudon kon i monimu: natua doman in kon soroga. Moḷoben totok pia in gina sin popisí tobatú intau inta ain nogogai nogaid kon dosa. Pia in gina tatua moiḻiu kon pia in gina kon i monia inta siow nopuḷú bo siow inta ain nopira bo diádon moparaḷu mogogai in mogaid kon dosa.”

LUKAS 15:29

Táe adí tatua in noguman kon i amánea, ‘Aindon kon taongannea in akuoi in nogaid nobantung kon i papa. Diá dodai onda in akuoi in nomaḷawang kon parenta i papa. Yo onu degá in inogoi i papa kon inakó? Umpaka tongá ki adí in bembé diápa kon dodai in onda ki papa nobogoi kon inakó sin poramean takin yobayatku mita!

LUKAS 18:20

Ain bidon kinotaauanmu in parenta mita i Allah: ‘Dika monuaḻing, dika moḻimod, dika monakow, dika moguman kon inta diá totuu bo horomatbí in ki amá bo ki inámu.’ ”

LUKAS 18:22

Nokodongogmai kon tua in ki Yesus, noguman in Sia nanaa, “Tobatúpa in musti aidanmu: Potaḷuidon in bayongan kapunyaanmu bodongka sila-silaidon mako in doit tatua kon intau mita bogá, dá mokouḻíbí in iko kon kapunyaan kon soroga. Mopaḷut mako kon tua angoi bo duduidon kon i-Nakó.”