LUKAS 17:3 - Alkitab Singog In Mongondow Masa In Tanaa

³ Tuamai, mokopoingatdon! Aka ki utatmu bo mogaid kon noitaḷá, yo toboḷow. Aka sia bo moibog mokidongog, yo ampungai.

LUKAS 17:3 Referans Kwoze

IMAMAT 19:17

Dika motagú mako kon gina kon i ineka. Tompiadon bui in yogenggengmu takin i ineka, sinbá moiko diá baradosaan popisí in intau ibanea.

MATIUS 18:21

Onda intua namangoi in ki Petrus bo noḻibó kon i Yesus, “Tuhan, dapot in kotongonumai degá akuoi in mongampung kon i utatku aka mosia mogaid kon taḷá kon inakó? Dapot in kopitu degá?”

AMSAL 9:8

Dika moningkuḻe kon intau inta doí tundúon, sin moyaat in ginanea kon inimu. Táe aka intau inta mobijaksana bo popotaaumu in taḷánea, yo iko in horomatonneabí

YAKOBUS 5:19

Utatku mita! Aka kon sigad monimu oyúon in intau inta diádon dinumudui kon totundú nongkon i Allah, bo oyúon in tobatú intau ibanea in nodia kon intau tatua nobui mangoi kon i Allah,

AMSAL 27:5

Maníka toboḷow moyogintayowan mako bo dika in tabi inta tongá nonomon mako.

ULANGAN 4:23

Toropdon kopira! Dika mokoḻiong kon dodandian inta pinomia i Tuhan Allahmu takin i monimu. Duduiaidon in parenta-Nea; dika mokoimontanmai in iko momia kon patong naondaka in batangannea sin sumbáan,

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

IḶUAIAN 34:12

Dika momia kon dodandian takin intau mita kon butá inta kobayáan monimu, sin tua in mobaḻídon poyogaḷap inta mokopopisí kon kopatoianmu.

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

EPESUS 5:15

Manangka intua, tarukiradon kopira mongo naonda in kobobiagmu. Dikabí ná intau mita bodok; táe kobiagbí ná intau mita mobijaksana.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

AMSAL 17:10

Toboḷow komintan moiḻiu in mangaḻenea kon intau moibog mokidongog bo mopia-piabí kon ḷubag kogatut kon intau bodok.

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

ULANGAN 4:15

“Toropdon kopia! Kon dodai in ki Tuhan nosingog kon inimu nongkon bonu in tuḷú kon Buḷud in Sinai, moiko in diábí nokoontong kon onu bo onu.