LUKAS 17:22 - Alkitab Singog In Mongondow Masa In Tanaa

²² Ki Yesus in noguman kon murí-Nea mita nanaa, “Moiangoibí in wakutunea, moiko in moibog moindoi kon tobatú singgai nongkon singgai mita i Adí Intau tatua, táe moiko in diábí mokoontong.

LUKAS 17:22 Referans Kwoze

LUKAS 5:35

Tongá oyúonbí in wakutunea kon nonikaan ḷoḷaki tatua gamáan nongkon i monia. Bambí kon dodai in tuata bo mopuasa in mosia.”

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

YOHANES 13:33

Adí-Ku mita, Akuoi in diá bidon moonggot in moyotakin monimu. Tayakonbí monimu in Akuoi, táe ná inta ain pinoguman-Ku kon itoi mita in Yahudi bo inta pinoguman-Ku doman kon i monimu, tampat inta bayáan-Ku in diábí kodapotan monimu.

MARKUS 2:20

Tongá oyúonbí in wakutunea nonikaan ḷoḷaki tatua gamáan nongkon imonia, bo bain tuata mosia in mopuasa.

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

LUKAS 13:35

Tuamai taḷaan i Allah in moiko. Sinbá kotaauan monimu, nongkon tanaa mako moiko in diá bidon mokoontong kon i-Nakó bui, modapot in moiko mosingog nanaa, ‘Binarakatan in Sia inta namangoi kon bonu in tangoi i Tuhan.’ ”