LUKAS 16:17 - Alkitab Singog In Mongondow Masa In Tanaa

¹⁷ Mogampa-gampangbí kon koyoyangan in ḷangit bo butá dika in tobatú hurup kon bonu in hukum i Allah in moinggamá.

LUKAS 16:17 Referans Kwoze

MATIUS 5:18

Poguman-Ku kon i monimu: Kon dodai in ḷangit bo butá naa diápa moingamá yo tobatúmai in hurup andeka titik kon hukum i Musa diábí in inggamáan, kon wakutu in bayongan tua diápa mobaḻí komintan!

LUKAS 21:33

Ḷangit bo butá in diábí mononoi, táe singog-Ku in mononoibí.”

PETRUS 1 1:25

táe pirman i Tuhan in mononoibí.” Pirman tatua in Habar Mopia inta ain pinotaau kon inimu.

YESAYA 40:8

Bonok in moingkag bo bungang in moḷaḷow, táe tosingogon i Allah naton in mononoibí.”

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”

WAHYU 21:1

Bo akuoi in nokoontong kon ḷangit mobagu bo butá mobagu. Ḷangit bo butá inta muna in diádon, takin dagat in noinggamá domandon.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

PETRUS 2 3:10

Táe Singgai koangoian i Tuhan in diábí butungonmai, sin naondabí bo koangoi in mononakow. Kon singgai tatua ḷangit moyoyang takin gotup inta totok in mokoondok, bo onukadon in kon ḷangit modaitbí mopokak, natua doman in butá bo bayongan in tombonunea modait doman moinggamá.