LUKAS 16:10 - Alkitab Singog In Mongondow Masa In Tanaa

¹⁰ Intau inta motaau pirisayaan pokiaidan in oaidan mointok, yo sia in motaau doman pirisayaan pokiaidan in oaidan moḷoben. Táe intau inta diá motaau pirisayaan pokiaidan in oaidan mointok, yo sia in diá doman motaau pirisayaan pokiaidan in oaidan moḷoben.

LUKAS 16:10 Referans Kwoze

MATIUS 25:21

Bo ki tuangnea tatua in noguman kon i nia, ‘Tua in nopia, iko in simpaḷku inta mopia bo mojujur; iko aindon nogaid kon oaidan inta mointok inta pinoki aid kon inimu, manangka intua iko in ogoiankudon in tanggung jawab mogaid kon oaidan moḷoben. Angoidon bo duduidon mobarasanang takinku!’

LUKAS 19:17

Dá ki tuang tatua in notubag, ‘Mopia intua, iko in bobantung inta mopia! Sin iko motaau pirisayaan kon oaidan inta mointok. Tuamai in baḻíonkudon iko pongawasa kon mopuḷú in kotá.’

MATIUS 25:23

Dá ki tuangnea tua in noguman kon inia, ‘Tua in nopia, iko simpaḷku inta mopia bo motuḻid in gina. Popisí in iko aindon nogaid kon oaidan inta mointok takin gina motuḻid, dá iko ogoiankudon in tanggung jawab mogaid kon oaidan moḷoben. Tuot bo pobarasanangdon takinku!’

IBRANI 3:2

Sia in mosatia kon i Allah inta nomiḻí kon i-Nia sin mogaid kon oaidan tatua, ná ki Musa tungkuḷ intua nosatia doman in nogaid kon oaidannea kon Baḷoi Tuhan.

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

YOHANES 13:27

Naonda in ki Yudas notarima kon roti tatua, ginanea in kinogonúandon in Ibilis. Bo ki Yesus in noguman kon inia, “Aidaidon koḻikat onu in kino ibogmu pomiaan.”

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

MATIUS 24:45

Ki Yesus in noguman, “Ki ine in simpaḷ inta mopia bo mopandoi? Inta aindon inaidan i tuangnea itoi in simpaḷ ibanea, sinbá sia in mobogoi in kaanon kon wakutunea.